bommey
Salmo 78
verso 1
maSqIlvam qon ‘aSav.
chut’a’wIj yI’Ij, ‘o ghotpu’wI’; nujwIj mu’meyvaD teSraj tItlhe’moH.
verso 2
SorHa’meH lut vIjatlh; nujwIj vIpoSmoH. tIQbogh vIttlheghmey Hurgh vIjatlh.
verso 3
DIQoypu’ ‘ej DISovpu’; maHvaD jatlhpu’ no’ma’.
verso 4
puqpu’chajvo’ DISo’be’ ‘ach puq poH veb wIja’. joH’a’ ta’mey Dun, HoSDaj, boqHarmeyDaj je DIrIch.
verso 5
ya’qovDaq nguHta’ ghaH; yISra’elDaq chut cherta’. puqpu’chaj ghojmoH vavpu’ma’ ‘e’ ra’ta’.
verso 6
vaj Sov puq poH veb, wej boghpu’ puqpu’, ‘ej Hu’ ‘ej puqpu’chaj ja’.
verso 7
vaj Qun’a’ luloS ‘ej Qun’a’ ta’mey lIjbe’ ‘ej rIchwInmeyDaj pab.
verso 8
vaj no’chaj rurbe’, lotlhbogh puq poH mul chaHmo’. ngaDbe’ tIqchaj ‘ej Qun’a’vaD matlhbe’ qa’chaj.
verso 9
naQjejHom nuH qeng ‘evra’yIm puqpu’ ‘ach che’ron DoH qaSDI’ may’ jaj.
verso 10
Qun’a’ mab lupabbe’ ‘ej chutDaj lulobQo’.
verso 11
ta’meyDaj lIj ‘ej boqHarmeyDaj ‘angta’bogh lIj.
verso 12
boqHarmey ta’. mItlhra’yImDaq tlho’an yotlhDaq ghu’vam lutu’ no’ma’.
verso 13
bIQ’a’ wav ‘ej chaHvaD luchIqmoH. bIQmey QammoH; Doj lurur.
verso 14
qaStaHvIS pem, DevmeH ‘eng lo’; qaStaHvIS ram, DevmeH qul wovmoHwI’ lo’.
verso 15
DebDaq naghmey rIv ‘ej chaHvaD tlhutlhmoH; bIQ jaQ rur.
verso 16
naghvo’ bIQtIqHommey ghoSmoH ‘ej bIQmey ghItmoH; bIQtIq’a’ rur.
verso 17
‘ach luqaDmeH yem chaH ‘ej yemqa’. DebDaq jenwI’’a’ luqaDmeH lotlh.
verso 18
Qun’a’ lutlhu’moH tIqDu’chaj ‘ej Soj luneHqu’bogh lupoQ.
verso 19
Qun’a’ lurIchHa’ ‘ej lujatlh: “DebDaq raS cherlaH’a’ Qun’a’?
verso 20
nagh mup; vaj ghIt bIQ ‘ej bI’ bIQtIqHom. ghotpu’vaD tIr ngogh, Ha’DIbaH joq noblaH’a’ je?”
verso 21
vaj QoyDI’ joH’a’, QeHqu’choH. ya’qovmo’ meQchoH qul; yISra’elmo’ ghur QeHDaj.
verso 22
qaS wanI’vam, Qun’a’ luHarbe’mo’ ‘ej toDbogh HoSDaj luvoqbe’mo’.
verso 23
‘ach chalmey ra’ ‘ej chal’a’ lojmItmey poSmoH.
verso 24
‘ej SopmeH chaHvaD man SISmoH ‘ej chaHvaD chal tIr nob.
verso 25
HoSDo’ tIr ngogh Sop loD; Soj law’ ngeH.
verso 26
chalDaq chan SuS qaSmoH ‘ej HoSDajmo’ tIng SuS qaSmoH.
verso 27
chaHvaD Ha’DIbaH SISmoH; Say’qIS rur. bo’Deghmey ngeH; bIQ’a’ Do’ol rur.
verso 28
raQchaj qoDDaq bIH pummoH. juH qachmeychaj Dech.
verso 29
Sop chaH ‘ej buy’choHchu’, chaHvaD chabalchaj nobmo’.
verso 30
‘ach yonchoHchu’pa’, nujDu’chajDaq ‘oHtaHvIS Soj,
verso 31
chaHmo’ QeHqu’choH Qun’a’ ‘ej HoSqu’wI’pu’ HoH ‘ej yISra’el loDpu’ Qup jey.
verso 32
‘ach yem ‘ej yemqa’ chaH. boqHarmeyDaj buSHa’ ‘ej HarQo’.
verso 33
vaj jajmeychaj ngabmoH; tlhuHHom rur. DISmeychaj ngabmoH lughIjqu’lu’taHvIS.
verso 34
chaH HoHDI’, ghaH lunej. DIS ‘ej tlhe’ ‘ej pe’vIl Qun’a’ lunej.
verso 35
naghchaj ghaH Qun’a’’e’ ‘e’ luqaw. toDwI’chaj ghaH Qun’a’ jenwI’’a’’e’.
verso 36
‘ach mu’mey qey jatlh nujDu’chaj; lunep jatDu’chaj.
verso 37
ghaHvaD ngaDbe’ tIqDu’chaj ‘ej mabDaj lupabbe’.
verso 38
‘ach vup ghaH. yemDI’ chaH, DIvHa’moHmeH vel ghaH ‘ej chaH Qaw’be’. pIj QeHDaj vuS ‘ej Qay’be’.
verso 39
‘oynot neH chaH ‘e’ qaw; juSbogh ‘ej cheghbe’bogh SuS lurur.
verso 40
pIj HatlhDaq lulotlh ‘ej DebDaq lunuQ!
verso 41
Qun’a’ lutlhu’moH ‘ej lutlhu’moHqa’. yISra’el quvwI’’a’ luSuj.
verso 42
ghopDaj luqawbe’. gholvo’ chaH toD; jajvetlh luqawbe’.
verso 43
mItlhra’yImDaq ta’mey Dun ta’; tlho’an yotlhDaq boqHarmey ta’.
verso 44
bIQtIqmeychajvaD ‘Iw mojmoH, vaj tlhutlhlaHbe’.
verso 45
ghIlab ghew ‘engmey ngeH; chaH natlh bIH. mabebmey ngeH ; chaH Qaw’ bIH.
verso 46
SupwI’ ghewvaD naH yotlhmeychaj nob. yobmeH vum chaH ‘ach Sop SupwI’ ghew.
verso 47
ghIrep naH yotlhmeychaj Qaw’meH muD Dotlh HeqmoH. naH Sormeychaj Qaw’meH muD Dotlh taDmoH.
verso 48
tangqa’meychaj HeghmoH Heqmo’ ‘ej DI’raqmeychaj HeghmoH tuDmo’.
verso 49
chaHDaq QeH’a’Daj, belHa’ghachDaj, SengDaj je lIch. Qaw’bogh HoSDo’ ngeH.
verso 50
QeHDajvaD taw chenmoH; Heghvo’ chaH Qanbe’ ‘ach rop’a’vaD yInchaj nob.
verso 51
mItlhra’yImDaq Hoch ghubDaQ mupchu’; Ham jo’ley’meyDaq HoSchaj wa’DIch mupchu’.
verso 52
ghIq ghotpu’Daj lup ‘ej DebDaq Dev; DI’raqmey rur.
verso 53
chaH Qan vaj ghIj pagh ‘ach jaghpu’chaj vIQmoH bIQ’a’.
verso 54
puHDaqj quvDaq chaH qem. HuDDaq’e’ je’bogh nIHDaj ghop qem.
verso 55
nughmey vuj ghaH; ghu’vam lutu’ chaH. puH lu’atmeH chaH, wav ghaH. yISra’el tuqmeyvaD jo’ley’meychaj DabmoH.
verso 56
‘ach Qun’a’ jenwI’’a’ lutlhu’moH ‘ej lulotlh ‘ej chutmeyDaj pabQo’.
verso 57
ghaHvo’ tlhe’ ‘ej matlhHa’; no’chaj rur. SIH; naQjejHom nuH Duy’ lurur.
verso 58
Daqmeychaj jenmo’ luQeHmoH; latmeychajmo’ lughalmoH.
verso 59
QoyDI’ Qun’a’, Qay’ ‘ej yISra’el woDchu’.
verso 60
SIloHDaq DabmeH Daq lon. Humanpu’ jojDaq jo’ley’Daj lanpu’; ghIq jo’ley’ lon.
verso 61
DerlIq’a’Daj jonlu’ ‘e’ chaw’; ghol ghopDaq ngay’Daj jeghlu’ ‘e’ chaw’.
verso 62
yanvaD ghotpu’Daj nob ‘ej quHDajDaq QeHDaj lIch.
verso 63
loDpu’chaj Qup natlh qul; tlhogh bom luHutlh be’pu’chaj Qup.
verso 64
yanmo’ pum maqleghpu’chaj. SaQlaHbe’ loDnal luweSbogh be’pu’’e’.
verso 65
ghIq vem joH’a’; ‘Iw tlhutlhpu’bogh SuvwI’ jachwI’’e’ rur.
verso 66
gholpu’Daj mup ‘ej Hochlogh chaH tuHmoH.
verso 67
yoSev jo’ley’ lajQo’; ‘evra’yIm tuq wIvbe’.
verso 68
‘ach yeHu’Da tuq wIv; tlhI’yon HuDvaD bangDaj Dam.
verso 69
DaqDaj quv mutlh; chal’a’ rur. reH tera’ chenmoHpu’bogh rur.
verso 70
DawID, toy’wI’Daj wIv ‘ej DI’raq pa’meyvo’ ghaH tlhap.
verso 71
tagha’Ha’ SoS DI’raq Qorgh DawID; ghIq ya’qov ghotpu’Daj, yISra’el quHDaj QorghmeH DawID wIv joH’a’.
verso 72
chaH QorghmeH tIgh QaQ pab ‘ej chaH DevmeH ghopDaj po’ lo’.
Libros
