bommey
Salmo 89
verso 1
maSqIlvam qon ‘eytan, ‘eSraH tuq.
Hochlogh joH’a’ pung’a’ vIrIch jIbomDI’. Hoch puq poHmeyvaD vIt’a’lIj vISovmoH.
verso 2
vIjatlh: “reH pung’a’ cherlu’; chal’a’Daq vIt’a’lIj Dacher.”
verso 3
Dajatlh: “nuv vIwIvpu’; nuvvamvaD mab vIchenmoHpu’. toy’wI’wI’, DawIDvaD jI’Ippu’: 4 “reH nortlhamlIj vIcher; qaStaHvIS Hoch puq poHmey, quS’a’lIj vIcher.”” SelaH
verso 5
boqHarmeylIj naDjaj chal’a’, ‘o joH’a’! quvwI’ yejDaq vIt’a’lIj naDlu’jaj!
verso 6
chal’a’Daq joH’a’, ‘Iv je lupatlhmoHlu’? Qun puqloDpu’Daq joH’a’ rur ‘Iv?
verso 7
quvwI’ yejDaq Qun’a’ vuvqu’lu’; ghaH Dun law’ Dechbogh Hoch Dun puS.
verso 8
‘o joH’a’, mangghom Qun’a’, HoSghaj ‘Iv? Durur ‘Iv, ‘o joH’a’? DuDech vIt’a’.
verso 9
lunqu’bogh bIQ’a’ Dache’; ghanchoHDI’ yu’eghmeyDaj, DaghanHa’moH.
verso 10
raHav Datappu’; lom rur. jaghpu’lI’ DaghomHa’meH DeSlIj HoSghaj Dalo’pu’.
verso 11
chal Daghaj; puH Daghaj je. qo’, Hoch yagh je Dacherta’.
verso 12
chan, ‘ev, tIng je DachenmoHta’; ponglIj lunaD tavor, Hermon je.
verso 13
DeS HoSghaj Daghaj; HoS ghoplIj; jen nIHlIj ghop.
verso 14
quS’a’lIj qappam bIH quv’e’, ruv’e’ je. nInung pung’a’, vIt’a’ je.
verso 15
lopmeH bey SeQ luSovchugh ghotpu’, vaj Quchqu’ ghotpu’vetlh. qablIj tamghaymo’ yIt chaH, ‘o joH’a’.
verso 16
qaStaHvIS jaj Hoch, lop chaH; ruvlIjmo’ Hem.
verso 17
HoSchaj ngay’ SoH; jumaSmo’ ghebmaj peplu’.
verso 18
yoDmaj ghaj joH’a’, ta’ma’ ghaj yISra’el quvwI’’a’.
verso 19
ben law’ quvwI’lI’vaD HaSta ngar Da’ang ‘ej Dajatlh: “nuv HoSghajvaD QaH vInobta’; ghotpu’vo’ wa’ vIwIvta’.
verso 20
DawID, toy’wI’wI’, vISamta’; ghaHDaq watrIn SeQ vIlIchta’.
verso 21
vaj ghaHvaD ghoplIj cherlu’; ghaH HoSmoH DeSwIj je.
verso 22
yuqbe’ jagh; quvHa’moHbe’ jIvvo’.
verso 23
gholpu’Daj vItap ‘ej wanI’vam tu’ ghaH. lumuSbogh ghotpu’ vImupchu’.
verso 24
ghaH lutlhej vIt’a’wIj, pung’a’wIj je. pongwIjmo’ ghebDaj peplu’.
verso 25
bIQ’a’Daq ghopDaj vIlan; bIQtIqmeyDaq nIHDaj ghop vIlan.
verso 26
jIHvaD jach: “vav’a’wI’, Qun’a’wI’, toDwIj nagh je SoH.”
verso 27
ghaHvaD ghubDaQ vImojmoH; tera’ ta’pu’’e’ ghaH potlh law’ Hoch potlh puS.
verso 28
reH ghaHvaD pun’a’wIj vIchoq ‘ej mabwIj vIpab.
verso 29
reH nortlhamDaj vIcher; chal’a’ jajmey rur quS’a’Daj.
verso 30
chutwIj lulonchugh puqpu’Daj, ruvwIj vepmey lobQo’chugh,
verso 31
rIchwInmeywIj wemchugh, jIra’DI’ pabQo’chugh,
verso 32
vaj wemchajmo’ vIbIjmeH naQ vIlo’. yemmo’ Henjun vIlo’.
verso 33
‘ach ghaHvo’ punq’a’wIj vInge’Qo’ ‘ej vIt’a’wIj vImaghQo’.
verso 34
mabwIj vIwemQo’ ‘ej wuSwIj mu’mey vIchoHQo’.
verso 35
wa’logh quvwIjmo’ jI’Ipta’; DawID vIjatlhDI’ jInepbe’.
verso 36
Hochlogh taH nortlhampu’Daj. taH quS’a’Daj; jul rur. ghu’vam vItu’.
verso 37
reH cherlu’; chalDaq nguHbogh maS matlh rur.” SelaH
verso 38
‘ach DaH bIwoDpu’ ‘ej bIlajpu’Qo’; ‘atwI’’a’lI’ bIQeHqu’.
verso 39
toy’wI’lI’ mab Dalajpu’Qo’; Say’qISDaq mIv’a’Daj DalammoHpu’.
verso 40
Hoch reDmeyDaj Daghorpu’; jem’IHDajvaD pIgh DamojmoHpu’.
verso 41
qengHoD lunIH tolbogh Hoch. ghaH luvaq jIlpu’Daj.
verso 42
gholpu’Daj nIH ghop Dapeppu’; Hoch jaghpu’Daj DalopmoHpu’.
verso 43
yanDaj HeH Datlhe’moHpu’; may’Daq DaQapmoHpu’be’.
verso 44
ngay’Daj DamevmoHpu’; ravDaq quS’a’Daj Davo’pu’.
verso 45
jajmeyDaj vaQ DangajmoHpu’; vel quvHa’ghach ‘e’ DaqaSmoHpu’ SelaH
verso 46
qaStaHvIS poH ‘ar qaS ghu’vam, ‘o joH’a’? reH DaSo’’a’? qaStaHvIS poH ‘ar meQbogh qul rur QeHlIj?
verso 47
ngaj poHwIj ‘e’ yIqawneS! meq qeymo’ Hoch Humanpu’ DachenmoHpu’!
verso 48
yInbogh ‘ej not Heghbogh loD yIngu’. Se’ol HoSvo’ qa’Daj toDlaH ‘Iv? SelaH
verso 49
joH’a’, nuqDaq ‘oH pung’a’lIj Deq’e’? DawIDvaD pung’a’vam Da’Ippu’ vIt’a’lIjmo’.
verso 50
toy’wI’pu’lI’ luvaqlu’ ‘e’ yIqawneS, ‘o joH’a’. mutIch nughmey law’; wanI’vam SIQ tIqwIj.
verso 51
muvaQ jaghlI’, ‘o joH’a’; yIttaHvIS ‘atwI’’a’lI’, luvaQ jaghpu’lI’.
verso 52
Hochlogh joH’a’ quvmoHlu’jaj! qaSjaj ‘ej qaSjaj.
Libros
