bommey
Salmo 37
verso 1
bomvam qon DawID.
nIghIjbe'jaj mIghwI'pu' 'ej yemwI'pu' tIghalQo'.
verso 2
tugh lupe'lu'; magh lurur. tugh QaDchogh; tI SuD lurur.
verso 3
joH'a' yIvoq 'ej batlh yIvang; puH DaDab 'ej DaQorghlu'bej.
verso 4
joH'a' DatIvchugh, vaj tIqlIj chabalmey Dunob.
verso 5
joH'a'vaD HelIj yInob; Davoqchugh, vaj [ghu'vam] qaSmoH ghaH.
verso 6
ruvlIj ruchmoH ghaH; tamghay rur. DungluQ rur yojlIj.
verso 7
joH'a'mo' yIleS 'ej yIloSchu'; vay' He tlhInDaq chepchugh, vaj yIQay'Qo', batlhHa' vangchugh.
verso 8
bIQeH 'e' yImev 'ej bIQay' 'e' yImej. bIQeHqu'chugh, vaj bImIgh neH 'e' qaSmoH.
verso 9
mIghwI'pu' lupe'chu'lu' 'ach puH lu'at joH'a' loSwI'pu'.
verso 10
tugh taHbe' jIvvo'; DaqDaj Dabej 'ach taHbe'.
verso 11
'ach puH lu'at nguqHa'wI'pu' 'ej roj vItlh lutIv.
verso 12
quvwI' qaDmeH nab jIvvo' 'ej tapmeH Ho'DuDaj lo'.
verso 13
'ach jIvvo'mo' Hagh joH'a'; paw jajDaj 'e' legh.
verso 14
yan luQIqpu' jIvvo'pu' 'ej naQjejHom nuH lughuSpu'; mIpHa'wI', Do’Ha’wI' je lupumrupmoH chaH 'ej tIgh QaQ pabwI' lupeqrup.
verso 15
tIqchaj tlhIn 'el yanchaj 'ej naQjejHom nuHmeychaj lughorlu'.
verso 16
quvwI' mIp puS QaQ law' jIvvopu' mIp law' QaQ puS.
verso 17
jIvvo'pu' DeSDu' lughorlu' 'ach quvwI'pu' taHmoH joH'a'.
verso 18
tIgh QaQ pabwI'pu' jajmey Sov joH'a'; reH taH nob lu'atbogh.
verso 19
qaStaHvIS poH mIgh, tuHbe' chaH; ghungqu'taHvIS Hoch, yon chaH.
verso 20
jIvvo'pu' luQaw'lu'. yotlhmey 'IH rur joH'a' jaghpu'. ngab; tlhIch lurur.
verso 21
ngIp jIvvo' 'ej DIlqa'be', 'ach varHa' quvwI' ej nob.
verso 22
puH 'at ghotpu' quvmoHbogh, 'ach ghotpu' quvHa'moHbogh lupe'lu'chu'.
verso 23
loD He cher joH'a' 'ej tIghDaj tIv.
verso 24
tangchugh, pumchu'be', ghopDaj 'uchmo' joH'a'.
verso 25
jIQuppu'; DaH jIqan. 'ach quvwI' lonlu' 'e' vIleghpu'be' 'ej tIr ngogh [luSopmeH] qoy' puqpu'Daj 'e' vIleghpu'be'.
verso 26
reH tlhoqtlhal tur 'ej noj 'ej puqpu'Daj luquvmoHlu'.
verso 27
yImIghQo' 'ej yIQaQ; vaj reH bItaH.
verso 28
ruv muSHa' joH'a'; quvwI'pu'Daj lonbe'. reH chaH choq 'ach jIvvo'pu' puqpu' pe'chu'.
verso 29
puH lu'at quvwI'pu' 'ej reH luDab.
verso 30
jatlhDI' quvwI' nuj, val [mu'meyDaj] 'ej ruv rIch jatDaj.
verso 31
tIqDajDaq 'oH Qun'a'Daj chut'a''e'; yIt'DI', tangbe'.
verso 32
quvwI' bej jIvvo' 'ej ghaH HeghmoH 'e' nID.
verso 33
ghopDajDaq ghaH lonbe' joH'a' 'ej noHlu'DI', qIchlu' 'e' qaSmoHbe'.
verso 34
joH'a' DaloSchugh 'ej tIghDaj Dapabchugh, vaj puH Da'atmeH DuquvmoH; jIvvo'pu' lu'pe'lu'chu' 'e' Dalegh.
verso 35
ghotpu' mIgh, HoSghaj je vIleghpu'. rIb'eghmoH; Sung Sor SuDqu' lurur.
verso 36
'ach juS; yIqel, taHbe'. ghaH vInejpu' 'ach tu'lu'be'.
verso 37
tIgh QaQ pabwI' yIbej 'ej yIqel; rojbogh loDvaD 'oH tuch'e'.
verso 38
'ach woghwI'pu' luQaw'lu'chu' 'ej jIvvo'pu'vo' tuch pe'lu'chu'.
verso 39
joH'a'vo' 'oH quvwI'pu' toD'e'. qaStaHvIS Seng poHmey, lulIghchaj ghaH.
verso 40
chaH QaH joH'a' 'ej toD; jIvvo'pu'vo' chaH toD, ghaHvaD lulIgh luDammo'.
Libros
