bommey
Salmo 51
verso 1
QoQpInvaD bomvam qon DawID, ghaH ghoSDI’ natan ‘aqwI’’a’, batSeba’ ‘elpu’DI’.
jIHvaD tlhoqtlhal yIturneS, ‘o Qun’a’, pung’a’lIjmo’; punglIj vItlhmo’ ta’meywIj mIgh yInge’neS.
verso 2
jIwoghpu’mo’ HIwatlhmoHneS; jIyempu’mo’ HISay’moHneS.
verso 3
jIwoghpu’ ‘e’ vISov ‘ej jIyempu’ reH ‘e’ vItu’.
verso 4
SoH neH qaqaDpu’ jIyemDI’; mIgh ta’wIj ‘e’ Dalegh. vaj bIjatlhDI’ bIlugh net tu’ ‘ej bInoHDI’ DapIchlaHbe’lu’.
verso 5
yIqelneS: jIboghpu’DI’ jImIgh ‘ej muyInmoHpu’DI’ SoSwI’ jIyem.
verso 6
yIqelneS, qa’ qoDDaq vIt tu’lu’DI’ Dabel; tIq peghDaq jIvalmeH choghojmoH. 7 choyemHa’moHmeH chertIS SeQ yIlo’neS vaj jISay’; HISay’moHneS vaj jIH chIS law’ peDbogh muD chIS puS.
verso 8
HIQuchmoHneS ‘ej HItIvmoHneS. lopjaj HomDu’ Daghorpu’bogh.
verso 9
Hochlogh jIyemDI’ qablIj yISo’neS; Hoch ta’meywIj mIgh yInge’neS.
verso 10
jIHvaD tIq Say’ yIchenmoHneS, ‘o Qun’a’, ‘ej jIHvaD qa’ matlh yIrIHqa’neS.
verso 11
qablIjvo’ HIwoDneSQo'; jIHvo’ qa’’a’lI’ quv yInge’neSQo'.
verso 12
QuchmoHbogh toDlIj HInobHa’neS ‘ej Dulobqangbogh qa’ HInobneS.
verso 13
vaj woghwI’pu’vaD tIghlIj vIghojmoH ‘ej nIchegh yemwI’pu’.
verso 14
muDIvmoHbogh ‘Iwvo’ HItoD, ‘o Qun’a’, ‘o toDwIj Qun’a’, ‘ej bomtaHvIS jatwIj, ruvlIj rIch.
verso 15
‘o joH’a’, wuSlIj tIpoSmoHneS, vaj naDlIj maq nujlIj.
verso 16
‘anmoHlu’mo’ DaneHbe’, ‘ach vInobqang; meQmeH nobmo’ bIbelbe’.
verso 17
Qun’a’vaD ‘anmoHDI’ vay’, qa’ ghorlu’pu’bogh ghajnIS. tIq QoS ghorlu’bogh, ‘o Qun’a’, DamuSbe’.
verso 18
tlhI’yon HuDvaD yIQaQneS bIbelDI’: yeru'Sala'yIm veng reDmey tImutlhneS.
verso 19
ngugh batlh ‘anmoHlu’DI’ bIbel, meQmeH nobmeymo’, meQchu’meH nobmeymo’ je; ngugh ‘anmoHmeH raSlIjDaq tangqa’mey lunoblu’.
Libros
