bommey

Capítulos:

… 75 76 77 78 79 …   ⇤ ← 77 → ⇥

verso 1

QoQpInvaD bomvam qon ‘aSav. yeDu’tun lo’lu’taHvIS [bomlu’].
ghoghwIj vIlo’; Qun’a’vaD jIjachmeH ghoghwIj vIlo’ ‘ej muQoy.

verso 2

qaSDI’ Seng jaj, joH’a’ vInej; qaStaHvIS ram ghopwIj vIpeptaH ‘ach baw’Qo’ qa’wIj.

verso 3

Qun’a’ vIqawDI’ jISot; jIpaQ ‘ej vulchoH qa’wIj. SelaH

verso 4

mInyoDDu’wIj DapoSmoHtaH. jISotqu’ vaj jIjatlhlaHbe’.

verso 5

jajmey Deq vIqel; DISmey ngo’ vIqel.

verso 6

vIjatlh: “qaStaHvIS ram, bomwIj vIqawjaj. paQjaj tIqwIj.” vaj nejqu’ qa’wIj:

verso 7

“reH woD joH’a’? not tlhoqtlhal Daturqa’?”

verso 8

reH mevpu’ pung’a’Daj? Hochlogh lujpu’ ‘IpmeyDaj?

verso 9

tlhoqtlhal tur ‘e’ lIjpu’ Qun’a’? pungDaj SoQmoHpu’ QeHmo’? SelaH

verso 10

‘ej vIjatlh: “Dochvam vItlhob: jenwI’’a’ nIH ghop DISmey.”

verso 11

joH’a’ ta’mey vIqaw; boqHarmeylIj tIQ vIqawbej.

verso 12

Hoch ta’meylIj vIpaQ ‘ej chavmeylIj vIrIch.

verso 13

quv tIghlIj, ‘o Qun’a’. Dun Qun’a’; rapbogh Qun yIngu’.

verso 14

boqHarmey ta’bogh Qun’a’’e’ SoH. ghotpu’vaD HoSlIj DaSovmoHta’.

verso 15

ghotpu’lIj, ya’qov yo’Sev je puqpu’ DatoDmeH DeSlIj Dalo’ta’. SelaH

verso 16

nIleghDI’ bIQmey, ‘o Qun’a’, nIleghDI’ bIQmey lughIjlu’. jelbej bIQ’a’.

verso 17

bIQ lulIch ‘engmey; tuD chal. Hoch lurghDaq bar naQjejHommeylIj.

verso 18

SuS’a’Daq tuD ghoghlIj; qo’ luwovmoH be’bIlmey; Qom puH ‘ej jel.

verso 19

bIQ’a’Daq ‘oH HelIj’e’; bIQmey law’Daq ‘oH tawlIj’e’ ‘ach bem vemmeylIj luleghlu’be’.

verso 20

ghotpu’lI’ DaDevpu’; DI’raq ghom rur. MoSe, ‘aHeron je ghop Dalo’pu’.

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122