bommey
Salmo 84
verso 1
QoQpInvaD bomvam luqon qo'raH puqloDpu’. ghIttIt lo’lu’taHvIS [bomlu’].
Dunqu’ jo’ley’’a’lIj, ‘o mangghom joH’a’!
verso 2
joH’a’ pa’mey ‘oH qa’wIj chabal’e’. bIHmo’ vulchoH je. yInbogh Qun’a’vaD bom tIqwIj, ‘oynotwIj je.
verso 3
vabDot ‘anmoHmeH raSmeylIjDaq juH Sam borghel; pa’ puqmeyDaj lanmeH yanwo’ Sam yatqap, ‘o mangghom joH’a’, voDleHwI’, Qun’a’wI’ je.
verso 4
Quchqu’ juH qachlIj luDabbogh ghotpu’’e’, reH naDlIj lubomtaHvIS! SelaH
verso 5
Quchqu’ HoSDaj DuDambogh nuv’e’. [tlhI’yon] tawmey leng neH tIqDaj.
verso 6
baqa’ ngech lutoltaHvIS, bIQ lughItmoH. DoQmIv’a’mey buy’moHmeH SIS je.
verso 7
ghurtaH HoSchaj; tlhI’yonDaq Hoch nuv tu’ Qun’a’.
verso 8
‘o joH’a’, mangghom Qun’a’, qatlhobDI’ HIQoyneS; HI’IjneS, ‘o ya’qov Qun’a’! SelaH
verso 9
yoDmaj yIleghneS, ‘o Qun’a’; ‘atwI’’a’lI’ qab yIbejneS!
verso 10
pa’meylIjDaq wa’ jaj qaq law’ latlh vogh wa’SaD jaj qaq puS. Qun’a’wI’ juH qach lojmIt ‘avwI’ vIgheS qaq law’ jIvvo’ jo’ley’ vIDab qaq puS.
verso 11
jul, yoD je ghaH joH’a’’e’, Qun’a’’e’. tlhoqtlhal tur joH’a’ ‘ej quvmoH. tIgh QaQ lupabchugh nuvpu’, vaj nuvpu’vetlhvo’ pagh QaQ ‘ot.
verso 12
‘o mangghom joH’a’, Duvoqchugh vay’, vaj Quchqu’ vay’vetlh!
Libros
