bommey
Salmo 32
verso 1
maSqIl'e' qonbogh DawID 'oH bomvam'e'.
yemDI' vay' 'ej qeHHa'lu'chugh, vaj Quchqu' vay'vetlh. woghchugh, vaj vellu'.
verso 2
mawDI' loD 'ej qelbe'chugh joH'a', vaj Quchqu' loDvetlh; qo'DajDaq tojbe'.
verso 3
jItamtaHvIS ragh HomDu'wIj; qaStaHvIS jaj Hoch jIjach.
verso 4
qaStaHvIS pem ram je jIH DungDaq 'ugh ghoplIj. QaDchoHpu' HoSwIj; qImroq tuj rur ghu'vam. SelaH
verso 5
jIyem SoHvaD 'e' vIchIDpu'; jIwogh 'e' vIvelbe'pu'. vIjatlh: “jIyem joH'a'vaD 'e' vIDIS,” 'ej choqeHHa'. SelaH
verso 6
Dochvammo' DaSamlaHlu'taHvIS Duvanjaj Hoch quvwI'. qaSDI' bIQmey law' SoD, ghaH luSIchbe'bej chaH.
verso 7
jIHvaD So'meH Daq SoH. Sengvo' chochoq; muDech toDlIj beymey. SelaH
verso 8
yItmeH He Dangu'meH qavalmoH 'ej qaghojmoH; DubejtaHvIS mInwIj qaqeS.
verso 9
yajbe'bogh vummeH Sargh yIrurQo'. 'oH SeHlu'meH chopmeH naQ, nach qogh je lulo'lu'. bIH lulo'be'lu'chugh, vaj ratlhQo' Sargh.
verso 10
law' jIvvo' Sengmey, 'ach joH'a' voqbogh ghot Dech pung'a'.
verso 11
joH'a'mo' peQuch 'ej pelop, 'o quvwI'pu', 'ej SuQuchtaHvIS pejach, 'o tIq QaQ lughajbogh Hoch!
Libros
