bommey

Capítulos:

… 77 78 79 80 81 …   ⇤ ← 79 → ⇥

verso 1

bomvam qon ‘aSav.
‘o Qun’a’, quHlIj lu’elpu’ nughmey; chIrghlIj quv luwatlhHa’moHpu’. yeru’Sala’yImvaD pIgh lumojmoHpu’.

verso 2

SopmeH chal bo’DeghmeyvaD toy’wI’pu’lI’ lommey nobpu’; puH Ha’DIbaHmeyvaD matlhwI’pu’lI’ ‘oynot lunobpu’.

verso 3

yeru’Sala’yIm HochDaq ‘Iwchaj ghItmoHpu’; bIQ rur. molbogh pagh tu’lu’.

verso 4

nunuSchoH jIlpu’ma’; nuvaq ‘ej nutIch nuDechbogh ghotpu’.

verso 5

qaStaHvIS poH ‘ar qaS ghu’vam, ‘o joH’a’? Hochlogh bIQeH? bIghal; meQ’a’? qul rur’a’?

verso 6

nISovbe’bogh nughmeyDaq, ponglIj lurItbe’bogh wo’meyDaq je QeHlIj yIlIchneS!

verso 7

ya’qov luSoppu’; DabmeH DaqDaj lupejpu’.

verso 8

yem puq poHmey Deq; ghopIchneSQo’. nom maHvaD punglIj yIturneS, wItuHmoHqu’lu’mo’.

verso 9

ghoQaHneS, ‘o toDmaj Qun’a’, ponglIj ngay’mo’. gholupneS ‘ej ghoyemHa’moHneS, ponglIj quvmo’.

verso 10

qatlh lujatlhnIS nughmey: “nuqDaq ghaH Qun’a’chaj’e’?” nughmeyDaq toy’wI’pu’lI’ ‘Iwmo’ bortaSlIj net Sovjaj; ghu’vam wItu’jaj.

verso 11

ghughDI’ qama’pu’, DughoSjaj wanI’vam. HoS’a’lIjmo’, ghotpu’ luqIchlu’bogh tIchoqneS.

verso 12

nInuSDI’ jIlpu’ma’, Sochlogh tInuSqa’neS, ‘o joH’a’!

verso 13

‘ach reH pItlho’, maH, ghotpu’lI’, yotlhlIj DI’raqmey. Hoch puq poHvaD naDlIj wImaq ‘ej wImaqqa’.

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122