bommey
Salmo 72
verso 1
[bomvam qon] Selo’moH.
ta’vaD ruvlIj yInobneS, ‘o Qun’a’; che’bogh puqloDvaD batlhlIj yInobneS!
verso 2
batlh vangjaj, ghotpu’lI’ noHDI’; ruv turjaj, mIpHa’wI’pu’lI’ noHDI’!
verso 3
ghotpu’ chepmoHjaj HuDmey; ruv lulIngjaj HuDHommey.
verso 4
ghotpu’ mIpHa’wI’pu’vaD noH; Do’Ha’wI’pu’ puqpu’ toD; QIHwI’ tap!
verso 5
taHtaHvIS jul maS je nIvuv, taHtaHvIS Hoch puq poHmey!
verso 6
maghDaq chIplu’pu’bogh SISbogh muD Dotlh rurjaj ghaH; puH ghaybogh bIQ rurjaj!
verso 7
qaStaHvIS jajmeyDaj chepjaj quvwI’; taHtaHvIS maS law’jaj roj!
verso 8
bIQ’a’ bIQ’a’ je qubbIDDaq che’jaj; bIQtIq, puH HeHmey je qubbIDDaq che’jaj!
verso 9
ghaHvaD torjaj Deb DabwI’pu’; Say’qIS luroSjaj jaghpu’Daj!
verso 10
luvanjaj tarSIS ta’pu’, bIQ’a’ HeH ta’pu’ je; nobmey muchjaj cheva’ ta’pu’, Seva’ ta’pu’ je.
verso 11
ghaHvaD torchu’jaj ta’pu’; lutoy’jaj Hoch nughmey!
verso 12
Do’Ha’wI’, mIpHa’wI’, QaHwI’ Hutlhbogh nuv’e’ je toD rItDI’.
verso 13
pujwI’, Do’Ha’wI’ je vup; Do’Ha’wI’pu’ yIn toD.
verso 14
luQIHlu’DI’ ‘ej rallu’DI’, qa’chaj toD; ‘Iwchaj Qej.
verso 15
yIn nI’ SIQjaj; ghaHvaD cheva’ qol’om noblu’jaj! reH tlhobtaHlu’jaj ‘ej qaStaHvIS jaj Hoch naDlu’jaj!
verso 16
puHDaj law’jaj tIr; HuDmey yorDaq joqjaj; leva’non rurjaj nuHDaj. chepjaj veng ghotpu’; yotlh magh lururjaj!
verso 17
reH taHjaj pongDaj! noytaHjaj; jul rurjaj! ghaHmo’ ghotpu’ luquvmoHlu’jaj; luquvmoHjaj Hoch nughmey!
verso 18
joH’a’, yISra’el Qun’a’ quvmoHlu’jaj. ta’mey Dun ta’ ghaH neH.
verso 19
reH ngay’Daj pong quvmoHlu’jaj; tera’ Hoch buy’moHjaj ngay’Daj! qaSjaj ‘ej qaSjaj!
verso 20
rIn DawID, yeSay puqloD bommey.
Libros
