bommey

Capitole:

… 70 71 72 73 74 …   ⇤ ← 72 → ⇥

versetul 1

[bomvam qon] Selo’moH.
ta’vaD ruvlIj yInobneS, ‘o Qun’a’; che’bogh puqloDvaD batlhlIj yInobneS!

versetul 2

batlh vangjaj, ghotpu’lI’ noHDI’; ruv turjaj, mIpHa’wI’pu’lI’ noHDI’!

versetul 3

ghotpu’ chepmoHjaj HuDmey; ruv lulIngjaj HuDHommey.

versetul 4

ghotpu’ mIpHa’wI’pu’vaD noH; Do’Ha’wI’pu’ puqpu’ toD; QIHwI’ tap!

versetul 5

taHtaHvIS jul maS je nIvuv, taHtaHvIS Hoch puq poHmey!

versetul 6

maghDaq chIplu’pu’bogh SISbogh muD Dotlh rurjaj ghaH; puH ghaybogh bIQ rurjaj!

versetul 7

qaStaHvIS jajmeyDaj chepjaj quvwI’; taHtaHvIS maS law’jaj roj!

versetul 8

bIQ’a’ bIQ’a’ je qubbIDDaq che’jaj; bIQtIq, puH HeHmey je qubbIDDaq che’jaj!

versetul 9

ghaHvaD torjaj Deb DabwI’pu’; Say’qIS luroSjaj jaghpu’Daj!

versetul 10

luvanjaj tarSIS ta’pu’, bIQ’a’ HeH ta’pu’ je; nobmey muchjaj cheva’ ta’pu’, Seva’ ta’pu’ je.

versetul 11

ghaHvaD torchu’jaj ta’pu’; lutoy’jaj Hoch nughmey!

versetul 12

Do’Ha’wI’, mIpHa’wI’, QaHwI’ Hutlhbogh nuv’e’ je toD rItDI’.

versetul 13

pujwI’, Do’Ha’wI’ je vup; Do’Ha’wI’pu’ yIn toD.

versetul 14

luQIHlu’DI’ ‘ej rallu’DI’, qa’chaj toD; ‘Iwchaj Qej.

versetul 15

yIn nI’ SIQjaj; ghaHvaD cheva’ qol’om noblu’jaj! reH tlhobtaHlu’jaj ‘ej qaStaHvIS jaj Hoch naDlu’jaj!

versetul 16

puHDaj law’jaj tIr; HuDmey yorDaq joqjaj; leva’non rurjaj nuHDaj. chepjaj veng ghotpu’; yotlh magh lururjaj!

versetul 17

reH taHjaj pongDaj! noytaHjaj; jul rurjaj! ghaHmo’ ghotpu’ luquvmoHlu’jaj; luquvmoHjaj Hoch nughmey!

versetul 18

joH’a’, yISra’el Qun’a’ quvmoHlu’jaj. ta’mey Dun ta’ ghaH neH.

versetul 19

reH ngay’Daj pong quvmoHlu’jaj; tera’ Hoch buy’moHjaj ngay’Daj! qaSjaj ‘ej qaSjaj!

versetul 20

rIn DawID, yeSay puqloD bommey.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122