bommey

Capitole:

… 75 76 77 78 79 …   ⇤ ← 77 → ⇥

versetul 1

QoQpInvaD bomvam qon ‘aSav. yeDu’tun lo’lu’taHvIS [bomlu’].
ghoghwIj vIlo’; Qun’a’vaD jIjachmeH ghoghwIj vIlo’ ‘ej muQoy.

versetul 2

qaSDI’ Seng jaj, joH’a’ vInej; qaStaHvIS ram ghopwIj vIpeptaH ‘ach baw’Qo’ qa’wIj.

versetul 3

Qun’a’ vIqawDI’ jISot; jIpaQ ‘ej vulchoH qa’wIj. SelaH

versetul 4

mInyoDDu’wIj DapoSmoHtaH. jISotqu’ vaj jIjatlhlaHbe’.

versetul 5

jajmey Deq vIqel; DISmey ngo’ vIqel.

versetul 6

vIjatlh: “qaStaHvIS ram, bomwIj vIqawjaj. paQjaj tIqwIj.” vaj nejqu’ qa’wIj:

versetul 7

“reH woD joH’a’? not tlhoqtlhal Daturqa’?”

versetul 8

reH mevpu’ pung’a’Daj? Hochlogh lujpu’ ‘IpmeyDaj?

versetul 9

tlhoqtlhal tur ‘e’ lIjpu’ Qun’a’? pungDaj SoQmoHpu’ QeHmo’? SelaH

versetul 10

‘ej vIjatlh: “Dochvam vItlhob: jenwI’’a’ nIH ghop DISmey.”

versetul 11

joH’a’ ta’mey vIqaw; boqHarmeylIj tIQ vIqawbej.

versetul 12

Hoch ta’meylIj vIpaQ ‘ej chavmeylIj vIrIch.

versetul 13

quv tIghlIj, ‘o Qun’a’. Dun Qun’a’; rapbogh Qun yIngu’.

versetul 14

boqHarmey ta’bogh Qun’a’’e’ SoH. ghotpu’vaD HoSlIj DaSovmoHta’.

versetul 15

ghotpu’lIj, ya’qov yo’Sev je puqpu’ DatoDmeH DeSlIj Dalo’ta’. SelaH

versetul 16

nIleghDI’ bIQmey, ‘o Qun’a’, nIleghDI’ bIQmey lughIjlu’. jelbej bIQ’a’.

versetul 17

bIQ lulIch ‘engmey; tuD chal. Hoch lurghDaq bar naQjejHommeylIj.

versetul 18

SuS’a’Daq tuD ghoghlIj; qo’ luwovmoH be’bIlmey; Qom puH ‘ej jel.

versetul 19

bIQ’a’Daq ‘oH HelIj’e’; bIQmey law’Daq ‘oH tawlIj’e’ ‘ach bem vemmeylIj luleghlu’be’.

versetul 20

ghotpu’lI’ DaDevpu’; DI’raq ghom rur. MoSe, ‘aHeron je ghop Dalo’pu’.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122