bommey

Chapters:

… 75 76 77 78 79 …   ⇤ ← 77 → ⇥

verse #1

QoQpInvaD bomvam qon ‘aSav. yeDu’tun lo’lu’taHvIS [bomlu’].
ghoghwIj vIlo’; Qun’a’vaD jIjachmeH ghoghwIj vIlo’ ‘ej muQoy.

verse #2

qaSDI’ Seng jaj, joH’a’ vInej; qaStaHvIS ram ghopwIj vIpeptaH ‘ach baw’Qo’ qa’wIj.

verse #3

Qun’a’ vIqawDI’ jISot; jIpaQ ‘ej vulchoH qa’wIj. SelaH

verse #4

mInyoDDu’wIj DapoSmoHtaH. jISotqu’ vaj jIjatlhlaHbe’.

verse #5

jajmey Deq vIqel; DISmey ngo’ vIqel.

verse #6

vIjatlh: “qaStaHvIS ram, bomwIj vIqawjaj. paQjaj tIqwIj.” vaj nejqu’ qa’wIj:

verse #7

“reH woD joH’a’? not tlhoqtlhal Daturqa’?”

verse #8

reH mevpu’ pung’a’Daj? Hochlogh lujpu’ ‘IpmeyDaj?

verse #9

tlhoqtlhal tur ‘e’ lIjpu’ Qun’a’? pungDaj SoQmoHpu’ QeHmo’? SelaH

verse #10

‘ej vIjatlh: “Dochvam vItlhob: jenwI’’a’ nIH ghop DISmey.”

verse #11

joH’a’ ta’mey vIqaw; boqHarmeylIj tIQ vIqawbej.

verse #12

Hoch ta’meylIj vIpaQ ‘ej chavmeylIj vIrIch.

verse #13

quv tIghlIj, ‘o Qun’a’. Dun Qun’a’; rapbogh Qun yIngu’.

verse #14

boqHarmey ta’bogh Qun’a’’e’ SoH. ghotpu’vaD HoSlIj DaSovmoHta’.

verse #15

ghotpu’lIj, ya’qov yo’Sev je puqpu’ DatoDmeH DeSlIj Dalo’ta’. SelaH

verse #16

nIleghDI’ bIQmey, ‘o Qun’a’, nIleghDI’ bIQmey lughIjlu’. jelbej bIQ’a’.

verse #17

bIQ lulIch ‘engmey; tuD chal. Hoch lurghDaq bar naQjejHommeylIj.

verse #18

SuS’a’Daq tuD ghoghlIj; qo’ luwovmoH be’bIlmey; Qom puH ‘ej jel.

verse #19

bIQ’a’Daq ‘oH HelIj’e’; bIQmey law’Daq ‘oH tawlIj’e’ ‘ach bem vemmeylIj luleghlu’be’.

verse #20

ghotpu’lI’ DaDevpu’; DI’raq ghom rur. MoSe, ‘aHeron je ghop Dalo’pu’.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122