bommey

Chapters:

… 81 82 83 84 85 …   ⇤ ← 83 → ⇥

verse #1

bomvam qon ‘aSav.
‘o Qun’a’, yItamtaHneSQo’; yIghanHa’neSQo’ ‘ej yIvIHHa’neSQo’, ‘o Qun’a’!

verse #2

yIqelneS: ghughugh jaghlI’; nachchaj peppu’ nImuSbogh ghotpu’.

verse #3

ghotpu’lI’ qaDmeH nab ‘ong lu’ogh; bangwI’pu’lI’ luqaDmeH QuS.

verse #4

lujatlh: “Ha’, Sep wISangjaj; not yISra’el pong qawqa’lu’jaj!”

verse #5

nItebHa’ QuS chaH; nIqaDmeH mab luchenmoH.

verse #6

‘eDom jo’ley’mey, yISma’elnganpu’, mo’av, HaghrI’nganpu’,

verse #7

gheval, ‘amon, ‘ama’leq, velIStIynganpu’, tlhor Sungpu’ je;

verse #8

chaH muv ‘aSur je; lot puqpu’ DeS HoS chaH.

verse #9

tIjeyneS; mIDyanDaq ta’meylIj rurjaj. qISon bIQtIqDaq SISra’, yavIn je DajeyDI’, wanI’vam rurjaj.

verse #10

‘enDorDaq ghotpu’vam luQaw’lu’; puHvaD qeQ lumoj.

verse #11

chuQunchajvaD ‘orev, Se’ev je tIrurmoHneS; Hoch che’wI’pu’chaj SebaH, tlhalmunna’ je tIrurmoHneS.

verse #12

lujatlh ghotpu’vam: “maHvaD Qun’a’ yotlhmey DItlhapjaj.”

verse #13

‘o Qun’a’wI’, chaHvaD Say’qIS rutlh yIrurmoHneS; chaHvaD SuSDaq yub yIrurmoHneS.

verse #14

ngem natlhbogh qul rurjaj; HuDmey meQbogh qul rurjaj.

verse #15

vaj chaH tlha’meH jevbogh muDlIj yIlo’neS; chaH ghIjqu’meH vungbogh muDlIj yIlo’neS.

verse #16

qabchaj buy’moHjaj quvHa’ghach; vaj ponglIj lunej, ‘o joH’a’.

verse #17

reH tuHjaj ‘ej Sotjaj; webmo’ luQaw’lu’jaj.

verse #18

vaj joH’a’ ‘oH ponglIj’e’ ‘e’ luSov ‘ej tera’ Hoch che’bogh jenwI’a’’e’ SoH ‘e’ luSov.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122