bommey

Chapters:

… 35 36 37 38 39 …   ⇤ ← 37 → ⇥

verse #1

bomvam qon DawID.
nIghIjbe'jaj mIghwI'pu' 'ej yemwI'pu' tIghalQo'.

verse #2

tugh lupe'lu'; magh lurur. tugh QaDchogh; tI SuD lurur.

verse #3

joH'a' yIvoq 'ej batlh yIvang; puH DaDab 'ej DaQorghlu'bej.

verse #4

joH'a' DatIvchugh, vaj tIqlIj chabalmey Dunob.

verse #5

joH'a'vaD HelIj yInob; Davoqchugh, vaj [ghu'vam] qaSmoH ghaH.

verse #6

ruvlIj ruchmoH ghaH; tamghay rur. DungluQ rur yojlIj.

verse #7

joH'a'mo' yIleS 'ej yIloSchu'; vay' He tlhInDaq chepchugh, vaj yIQay'Qo', batlhHa' vangchugh.

verse #8

bIQeH 'e' yImev 'ej bIQay' 'e' yImej. bIQeHqu'chugh, vaj bImIgh neH 'e' qaSmoH.

verse #9

mIghwI'pu' lupe'chu'lu' 'ach puH lu'at joH'a' loSwI'pu'.

verse #10

tugh taHbe' jIvvo'; DaqDaj Dabej 'ach taHbe'.

verse #11

'ach puH lu'at nguqHa'wI'pu' 'ej roj vItlh lutIv.

verse #12

quvwI' qaDmeH nab jIvvo' 'ej tapmeH Ho'DuDaj lo'.

verse #13

'ach jIvvo'mo' Hagh joH'a'; paw jajDaj 'e' legh.

verse #14

yan luQIqpu' jIvvo'pu' 'ej naQjejHom nuH lughuSpu'; mIpHa'wI', Do’Ha’wI' je lupumrupmoH chaH 'ej tIgh QaQ pabwI' lupeqrup.

verse #15

tIqchaj tlhIn 'el yanchaj 'ej naQjejHom nuHmeychaj lughorlu'.

verse #16

quvwI' mIp puS QaQ law' jIvvopu' mIp law' QaQ puS.

verse #17

jIvvo'pu' DeSDu' lughorlu' 'ach quvwI'pu' taHmoH joH'a'.

verse #18

tIgh QaQ pabwI'pu' jajmey Sov joH'a'; reH taH nob lu'atbogh.

verse #19

qaStaHvIS poH mIgh, tuHbe' chaH; ghungqu'taHvIS Hoch, yon chaH.

verse #20

jIvvo'pu' luQaw'lu'. yotlhmey 'IH rur joH'a' jaghpu'. ngab; tlhIch lurur.

verse #21

ngIp jIvvo' 'ej DIlqa'be', 'ach varHa' quvwI' ej nob.

verse #22

puH 'at ghotpu' quvmoHbogh, 'ach ghotpu' quvHa'moHbogh lupe'lu'chu'.

verse #23

loD He cher joH'a' 'ej tIghDaj tIv.

verse #24

tangchugh, pumchu'be', ghopDaj 'uchmo' joH'a'.

verse #25

jIQuppu'; DaH jIqan. 'ach quvwI' lonlu' 'e' vIleghpu'be' 'ej tIr ngogh [luSopmeH] qoy' puqpu'Daj 'e' vIleghpu'be'.

verse #26

reH tlhoqtlhal tur 'ej noj 'ej puqpu'Daj luquvmoHlu'.

verse #27

yImIghQo' 'ej yIQaQ; vaj reH bItaH.

verse #28

ruv muSHa' joH'a'; quvwI'pu'Daj lonbe'. reH chaH choq 'ach jIvvo'pu' puqpu' pe'chu'.

verse #29

puH lu'at quvwI'pu' 'ej reH luDab.

verse #30

jatlhDI' quvwI' nuj, val [mu'meyDaj] 'ej ruv rIch jatDaj.

verse #31

tIqDajDaq 'oH Qun'a'Daj chut'a''e'; yIt'DI', tangbe'.

verse #32

quvwI' bej jIvvo' 'ej ghaH HeghmoH 'e' nID.

verse #33

ghopDajDaq ghaH lonbe' joH'a' 'ej noHlu'DI', qIchlu' 'e' qaSmoHbe'.

verse #34

joH'a' DaloSchugh 'ej tIghDaj Dapabchugh, vaj puH Da'atmeH DuquvmoH; jIvvo'pu' lu'pe'lu'chu' 'e' Dalegh.

verse #35

ghotpu' mIgh, HoSghaj je vIleghpu'. rIb'eghmoH; Sung Sor SuDqu' lurur.

verse #36

'ach juS; yIqel, taHbe'. ghaH vInejpu' 'ach tu'lu'be'.

verse #37

tIgh QaQ pabwI' yIbej 'ej yIqel; rojbogh loDvaD 'oH tuch'e'.

verse #38

'ach woghwI'pu' luQaw'lu'chu' 'ej jIvvo'pu'vo' tuch pe'lu'chu'.

verse #39

joH'a'vo' 'oH quvwI'pu' toD'e'. qaStaHvIS Seng poHmey, lulIghchaj ghaH.

verse #40

chaH QaH joH'a' 'ej toD; jIvvo'pu'vo' chaH toD, ghaHvaD lulIgh luDammo'.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122