bommey

Chapters:

… 69 70 71 72 73 …   ⇤ ← 71 → ⇥

verse #1

SoHvaD, ‘o joH’a’, lulIgh vIDam; not vItuHmoHlu’!

verse #2

ruvlIjmo’ HIlupneS ‘ej HItoDneS; jIHDaq teSlIj yItlhe’moHneS ‘ej HItoDneS!

verse #3

jIHvaD lulIgh nagh yIDaneS; vaj qaghoStaH. vItoDlu’meH bIra’ta’, naghwIj, jem’IHwIj je SoHmo’.

verse #4

jIvvo’ ghopvo’ HItoDneS, ‘o Qun’a’, mu’uchDI’ QIHbogh loD.

verse #5

chabalwIj SoH, ‘o joH’a’, ‘ej HojnIy jIHDI’ qavoq.

verse #6

jIboghpu’pa’ qawuv; SoSwI’ chI’IDvo’ cholelpu’. qanaDtaH.

verse #7

jIHvaD maQ luDam ghotpu’ law’ ‘ach lulIgh HoS SoH.

verse #8

nujwIj buy’moH naDlIj ‘ej buy’moH ngay’lIj qaStaHvIS jaj Hoch.

verse #9

DaH vIqanDI’ HIwoDneSQo'. HoSwIj natlhlu’DI’ HIlonneSQo'.

verse #10

murIch jaghpu’wI’; ja’chuq yInwIj luloSbogh vay’pu’’e’.

verse #11

jatlh: “ghaH lonpu’ Qun’a’; yItlha’ ‘ej yIjon, toDmeH pagh tu’lu’.”

verse #12

‘o Qun’a’, jIHvo’ yIHopneSQo'; ‘o Qun’a’wI’, tugh HIQaHneS!

verse #13

tuHchoHjaj pumwI’pu’wI’ ‘ej lunatlhlu’jaj; quvHa’jaj muQIHrupbogh vay’pu’ ‘ej luvaqlu’jaj.

verse #14

‘ach jIturtaH jIH; qanaDtaH ‘ej qanaDqa’taH.

verse #15

ta’meylIj quv rIch nujwIj; qaStaHvIS jaj Hoch toDmeH ta’meylIj rIch. law’ bIH; vItoghlaHbe’.

verse #16

joH’a’ Qun’a’ ta’mey HoSghaj vImaqmeH jIghoS; SoHvo’ neH ‘oH ruv’e’ chaHvaD ‘e’ vIqawmoH.

verse #17

‘o Qun’a’, HojnIy jIHDI’ choghojmoH; DaH ta’meylIj Dun vImaqqa’taH.

verse #18

jIqanDI’ ‘ej qIjchoHDI’ jIbwIj ‘ej wovchoHDI’, ‘o Qun’a’, HIlonneSQo'; ghIq latlh puq poHvaD HoSlIj vImaq; ghotpu’ vebvaD nguplIj vImaq.

verse #19

jenqu’ ruvlIj, ‘o Qun’a’; ta’mey Dun Data’ta’; Durur ‘Iv?

verse #20

jIHvaD Sengmey law’ DaleghmoHpu’ ‘ach chorIHqa’moH. wutlh jaQvo’ choqemqa’.

verse #21

choquvqa’moH ‘ej chobaw’qa’moH.

verse #22

vItlIjmo’ qanaDmeH HurDagh vIchu’, ‘o Qun’a’wI’; SoHvaD jIbommeH tIngDagh vIchu’, ‘o yIsra’el quvwI’’a’.

verse #23

jIQuchmo’ jach wuSDu’wIj, SoHvaD jIbomDI’; jach qa’wIj DatoDpu’bogh je.

verse #24

qaStaHvIS jaj Hoch ruvlIj rIch jatwIj, tuHchoHmo’ ‘ej mISchoHmo’ muQIHbogh ghotpu’.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122