bommey

Chapters:

… 64 65 66 67 68 …   ⇤ ← 66 → ⇥

verse #1

QoqpInvaD ‘oH bomvam’e’.
Qun’a’vaD pejach ‘ej peQuchqu’, tera’ Hoch;

verse #2

pongDaj quvvaD pebom; quvmoHmeH yInaD!

verse #3

Qun’a’vaD yIjatlh: “Dunqu’ ta’meylIj! qu’ HoSlIj vaj SoHmo’ jel jaghpu’lI’.

verse #4

SoHvaD tor tera’ Hoch ‘ej DunaDmeH bom; ponglIj lunaDmeH bom.” SelaH

verse #5

Ha’ Qun’a’ ta’mey tIlegh: Humanpu’vaD Dunqu’ ta’meyDaj.

verse #6

puH QaD moj bIQ’a’ ‘e’ qaSmoH ghaH; bIQtIq lutolmeH qamDu’chaj lo’. pa’ ghaHmo’ maQuchqu’;

verse #7

reH che’ HoSDajmo’ ‘ej nughmey bej mInDu’Daj. nguqbe’jaj lotlhwI’pu’. SelaH

verse #8

Qun’a’ma’ yIquvmoH, ‘o ghotpu’; naDDaj wab Qoylu’jaj.

verse #9

qa’maj yInmoHtaH ‘ej tang qammaj ‘e’ bot.

verse #10

‘o Qun’a’, junoHta’. juchovta’; SIrlIy wIrur.

verse #11

vonmeH SIr’o’Daq juqemta’; DubDu’majDaq tapbogh ‘ughwI’ Dalanta’.

verse #12

nachmajDaq lIgh loDpu’ ‘e’ Dachaw’; qul, bIQ je wItolpu’ ‘ach Daq mIpqu’Daq julupta’.

verse #13

juH qachlIj vI’elDI’ meQmeH nobmey vIqem; SoHvaD ‘IpmeywIj vIpab.

verse #14

jISotDI’ mu’ jatlhpu’ wuSwIj ‘ej ‘Ip jatlhpu’ nujwIj; DaH vIpab.

verse #15

SoHvaD Ha’DIbaH tlhagh meQmeH nob, DI’raq loD ‘anmoHmeH tlhIch je vInob. tangqa’mey, gha’chermey je vI’anmoH. SelaH

verse #16

Ha’ peQoy, ‘o Qun’a’ vuvwI’pu’, ‘ej qa’wIjvaD ta’meyDaj vIrIch.

verse #17

ghaHvaD jIjachmeH nujwIj vIlo’pu’ ‘ej vInaDqu’meH jatwIj vIlo’pu’.

verse #18

tIqwIjDaq ta’ mIgh vIQej net jalchugh, vaj ‘IjQo’ joH’a’.

verse #19

‘ach ‘Ijbejpu’ Qun’a’; vItlhobDI’ ghoghwIj Qoypu’.

verse #20

Qun’a’ quvmoHlu’jaj, mulajpu’mo’ vItlhobDI’ ‘ej jIHvo’ pung’a’Daj teqbe’pu’!

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122