bommey

Chapters:

… 20 21 22 23 24 …   ⇤ ← 22 → ⇥

verse #1

QoQpInvaD bomvam qon DawID. jajlo' Sarghbe' tIgh pab 'oH.
Qun'a'wI' Qun'a'wI' qatlh cholonpu'?
qatlh chotoDmeH jIjachDI' bIHopqu'?

verse #2

'o Qun'a'wI', qaStaHvIS pem jISaQ 'ach bIjangbe'. qaStaHvIS ram jIleSlaHbe'.

verse #3

'ach bIquv. yISra'el naDmeyDaq Daba'.

verse #4

nIvoqpu' no'ma'. nIvoqpu' 'ej DatoDpu'.

verse #5

SoHvaD jachpu' 'ej lutoDlu'pu'. nIvoqpu' 'ej tuHpu'be'.

verse #6

'ach qagh jIH 'ej loD jIHbe'. muvaq loDpu' 'ej mumuSqu' ghotpu'.

verse #7

munuS Hoch muleghchugh. mon wuSDu'chaj 'ej ron nachDu'chaj.

verse #8

“joH'a' voq! ghaH toDjaj! ghaH narghmoHjaj, belDaj ghaHmo'!”

verse #9

'ach chI'IDvo' cholel. SoSwI' ngob'atDu'Daq chovoqmoH.

verse #10

jIboghDI' SoHvaD mujaDlu' 'ej SoSwI' chI'IDvo' Qun'a'wI' SoH.

verse #11

jIHvo' yIHopQo', Summo' Seng 'ej muQaHmeH pagh tu'lu'.

verse #12

muDech tangqa'mey law'; muSev baSan tangqa''a'mey.

verse #13

jIHDaq nujDu'chaj poSmoH; vIrghbogh 'ej jachbogh vIghro''a' lurur.

verse #14

jIghIt; bIQ vIrur. Hoch HomDu'wIj luchevlu'. req rur tIqwIj. qoDwIjDaq tetlu'.

verse #15

QaD HoSwIj; DabqI' 'un rur. ghapqa'Du'wIjDaq ngam jatwIj. Hegh Say'qISDaq choQotmoH.

verse #16

muDech targhmey; muSev mIghwI'pu' wey; ghopDu'wIj qamDu'wIj je ghIDpu'.

verse #17

Hoch HomDu'wIj vItoghlaH; mubej chaH 'ej mulegh.

verse #18

chaHvaD SutmeywIj wav; yIvbeHwIjvaD naghmey SuD.

verse #19

'ach SoH, 'o joH'a', yIHopQo'! choQaHmeH yImoD, wuywI'wI'.

verse #20

yanvo' qa'wIj yItoD; targh HoSvo' yInwIj yItoD!

verse #21

vIghro''a' nujvi' yItoD! tangqa'mey tlhay'Ha' pu'Du'vo' chojangpu'.

verse #22

loDnI'pu'wI'vaD ponglIj vIrIch; yej jojDaq qanaD.

verse #23

tlhIH, joH'a' vuvwI'pu', yInaD! Hoch ya'qov nortlhampu', ngay' yInob! Hoch yISra'el nortlhampu', yIHaj!

verse #24

vay' QIHlu'chugh vaj vay'vetlh muSbe' 'ej parbe', 'ej vay'vetlhvo' qabDaj So'be', 'ach ghaHvaD SaQDI' Qoy ghaH.

verse #25

SoHvo' yej'a'Daq 'oHtaH naDwIj'e'. SaHDI' vuvwI'pu'Daj 'IpmeywIj vIpab.

verse #26

Sop nguqHa’wI'pu' 'ej yon; joH'a' naD nejwI'pu'Daj! reH yInjaj tIqDu'raj!

verse #27

joH'a' luqaw qo' HeHmey 'ej ghaHDaq tlhe' 'ej SoH tlhopDaq tor Hoch nughmey tuqmey.

verse #28

joH'a'vaD 'oH wo''e' 'ej nughmey che'.

verse #29

Sop Hoch qo' chepwI'pu' 'ej naD; Say'qISDaq ghIrchugh vay', qa'Daj yIn polbe'chugh vay', vaj ghaH tlhopDaq tor vay'vetlh.

verse #30

lutoy' nortlhampu'; puq poH vebvaD joH'a' rIchlu';

verse #31

ghoS chaH 'ej wej boghbogh ghotpu' ja' 'ej chaHvaD ruvDaj lumaq. jatlh: ta'ta'.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122