bommey

Chapters:

… 86 87 88 89 90 …   ⇤ ← 88 → ⇥

verse #1

QoQpInvaD bomvam luqon qo’raH puqloDpu’. maHa’lat le’annot lo’lu’taHvIS bomlu’. Heyman, ‘eSraH tuq, maSqIl ‘oH.
‘o joH’a’, toDwIj Qun’a’, qaStaHvIS pem, ram je SoHvaD jIjach.

verse #2

DughoSjaj tlhobmeH QInwIj; jIjachDI’ teSlIj yItlhe’moHneS!

verse #3

Sengmeymo’ buy’ qa’wIj ‘ej Se’ol chol yInwIj.

verse #4

QemjIq’a’ lughIrbogh ghotpu’’e’ vItlhej net qel. HoS Hutlhbogh loD’e’ jIH.

verse #5

HeghwI’pu’Daq vIlonlu’; molDaq Qotbogh lommey vIrur. not nuvpu’vam Daqawqa’. ghoplIjvo’ lupe’lu’chu’.

verse #6

QemjIq ‘eSqu’Daq cholanpu’. Hurgh Daqvam ‘ej jaQ.

verse #7

QeHlIj ‘ugh vISIQ. muQIH Hoch yu’eghmeylIj. SelaH

verse #8

chuDpu’wI’ DaHopmoHta’. jI’upchu’ ‘e’ luDam. jISoQ ‘ej jIghoSlaHbe’.

verse #9

pujchoH mInwIj jI’IQmo’. qaSDI’ Hoch jaj, qarIt, ‘o joH’a’; SoHvaD ghopwIj tIpep.

verse #10

HeghwI’pu’vaD boqHarmey Data’’a’? nInaDmeH Hu’’a’ HeghwI’pu’? SelaH

verse #11

molDaq pung’a’lIj maqlu’’a’? QIH wo’Daq vItlIj maqlu’’a’?

verse #12

QIbDaq boqHarmeylIj luSovlu’’a’? lIjmeH puHDaq ruvlIj Sovlu’’a’?

verse #13

‘ach SoHvaD, ‘o joH’a’, jIjach. qaSDI’ po DughoS tlhobmeH QInwIj.

verse #14

‘o joH’a’, qatlh qa’wIj DawoD? qatlh jIHvo’ qablIj DaSo’?

verse #15

jIQupDI’ vIQIHlu’ ‘ej tlhoS jIHegh; DaH raptaH ghu’. HajmoHbogh ta’meylIj vISIQ ‘ej jISot.

verse #16

mujuS QeH’a’lIj. muQaw’ ghummeylIj.

verse #17

qaStaHvIS jaj Hoch muDech; bIQ rur. nItebHa’ mubav.

verse #18

bangwI’, jIlwI’ je DaHopmoHpu’. DaH wa’ jup vIghaj: QIb‘a’ ‘oH.

Chapters:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122