bommey

Capitole:

… 86 87 88 89 90 …   ⇤ ← 88 → ⇥

versetul 1

QoQpInvaD bomvam luqon qo’raH puqloDpu’. maHa’lat le’annot lo’lu’taHvIS bomlu’. Heyman, ‘eSraH tuq, maSqIl ‘oH.
‘o joH’a’, toDwIj Qun’a’, qaStaHvIS pem, ram je SoHvaD jIjach.

versetul 2

DughoSjaj tlhobmeH QInwIj; jIjachDI’ teSlIj yItlhe’moHneS!

versetul 3

Sengmeymo’ buy’ qa’wIj ‘ej Se’ol chol yInwIj.

versetul 4

QemjIq’a’ lughIrbogh ghotpu’’e’ vItlhej net qel. HoS Hutlhbogh loD’e’ jIH.

versetul 5

HeghwI’pu’Daq vIlonlu’; molDaq Qotbogh lommey vIrur. not nuvpu’vam Daqawqa’. ghoplIjvo’ lupe’lu’chu’.

versetul 6

QemjIq ‘eSqu’Daq cholanpu’. Hurgh Daqvam ‘ej jaQ.

versetul 7

QeHlIj ‘ugh vISIQ. muQIH Hoch yu’eghmeylIj. SelaH

versetul 8

chuDpu’wI’ DaHopmoHta’. jI’upchu’ ‘e’ luDam. jISoQ ‘ej jIghoSlaHbe’.

versetul 9

pujchoH mInwIj jI’IQmo’. qaSDI’ Hoch jaj, qarIt, ‘o joH’a’; SoHvaD ghopwIj tIpep.

versetul 10

HeghwI’pu’vaD boqHarmey Data’’a’? nInaDmeH Hu’’a’ HeghwI’pu’? SelaH

versetul 11

molDaq pung’a’lIj maqlu’’a’? QIH wo’Daq vItlIj maqlu’’a’?

versetul 12

QIbDaq boqHarmeylIj luSovlu’’a’? lIjmeH puHDaq ruvlIj Sovlu’’a’?

versetul 13

‘ach SoHvaD, ‘o joH’a’, jIjach. qaSDI’ po DughoS tlhobmeH QInwIj.

versetul 14

‘o joH’a’, qatlh qa’wIj DawoD? qatlh jIHvo’ qablIj DaSo’?

versetul 15

jIQupDI’ vIQIHlu’ ‘ej tlhoS jIHegh; DaH raptaH ghu’. HajmoHbogh ta’meylIj vISIQ ‘ej jISot.

versetul 16

mujuS QeH’a’lIj. muQaw’ ghummeylIj.

versetul 17

qaStaHvIS jaj Hoch muDech; bIQ rur. nItebHa’ mubav.

versetul 18

bangwI’, jIlwI’ je DaHopmoHpu’. DaH wa’ jup vIghaj: QIb‘a’ ‘oH.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122