bommey

Capitole:

… 29 30 31 32 33 …   ⇤ ← 31 → ⇥

versetul 1

QoQpInvaD bomvam qon DawID.
SoHvaD, 'o joH'a', lulIgh vIDam. not jItuH 'e' DaqaSmoH. ruvlIjmo' HItoDneS.

versetul 2

jIHDaq teSlIj yItlhe'moHneS; nom HItoD! jIHvaD nagh HoS yIDaneS; chotoDmeH Hub jem'IH yIDaneS.

versetul 3

naghwIj jem'IHwIj je SoH; ponglIjmo' choche' 'ej choDev.

versetul 4

muvonmeH SIr'o' So'lu'; 'oHvo' cholel. lulIghwIj SoH.

versetul 5

ghoplIjDaq qa'wIj vIlan; chotoDpu', 'o joH'a', vIt Qun'a'.

versetul 6

DavHam buSchugh vay', vaj vay'vetlh vImuS; ach joH'a' vIvoq.

versetul 7

pung'a'lIjmo' jIlop 'ej jIQuch. QIHwIj Dalegh; Sot qa'wIj 'e' DaSov.

versetul 8

jagh ghopvaD chonobbe'; puH beQDaq qamDu'wIj Dalanpu'.

versetul 9

jIHvaD tlhoqtlhal yIturneS, 'o joH'a', jISotmo'; jImoghmo' ragh mInwIj; ragh qa'wIj porghwIj je.

versetul 10

jI'IQmo' yInwIj natlhlu'; jIjachmo' DISmeywIj lunatlhlu'. jIyemmo' luj HoSwIj 'ej ragh HomDu'wIj.

versetul 11

Hoch gholpu'wI'mo' vIvaqlu' 'ej jIlpu'wI'vaD vIvaqqu'lu' 'ej muSovbogh Hoch vIlImmoH 'ej tawDaq jIHvo' Haw' muleghbogh Hoch.

versetul 12

vIlIjlu'pu'; Heghpu'bogh vay' vIrur. 'un ghorlu'pu'bogh vIrur.

versetul 13

tlhup ghotpu' law' 'e' vIQoy: Hoch Daqvo' ghIjlu'. muqaDmeH QuS chaH; yInwIj lutlhapmeH nap.

versetul 14

'ach qavoq, 'o joH'a'; vIjatlh: “Qun'a'wI' SoH.”

versetul 15

ghoplIjDaq bIH poHmeywIj'e'; jaghpu'wI' ghopvo' wamwI'pu'wI'vo' je HItoD!

versetul 16

toy'wI'lI'vaD qablIj yIbochmoHneS; pung'a'lIjmo' HItoD!

versetul 17

'o joH'a', jItuHbe' 'e' yIqaSmoHneS, qarItmo'; tuH jIvvo'pu' 'e' yIqaSmoHneS; tamtaHvIS Se'ol lujaHjaj.

versetul 18

jatlhlaHbe'jaj wuSDu' nepwI'; quvwI'pu' lurIchtaHvIS nguq 'ej vuvHa'.

versetul 19

toH! vuvwI'pu'lI' DaQorghqu'. voqwI'pu'lI' DaQorgh 'ej ghu'vam lutu' Hoch 'aDam puqloDpu'! 20 loDpu' nabmeyvo' lulIghlIj peghDaq chaH DaSo'; SoltaHvIS jatDu', jo'ley'lIjDaq chaH DaQan.

versetul 21

joH'a' quvmoHlu'jaj; veng SotDaq jIHtaHvIS jIHvaD pung'a'Daj Dun 'angpu'.

versetul 22

jIghumtaHvIS vIjatlh: “mInDu'lIjvo' vIpe'chu'lu'.” 'ach pung vItlhobDI', choQaHmeH jIjachDI', ghoghwIj DaQoy.

versetul 23

joH'a' yImuSHa', 'o Hoch quvwI'pu'Daj! matlhwI'pu' choq joH'a' 'ach nguqwI'pu' bIjqu'.

versetul 24

yIHoS 'ej Subjaj tIqDu'raj, 'o joH'a' luloSbogh Hoch!

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122