bommey

Capitole:

… 16 17 18 19 20 …   ⇤ ← 18 → ⇥

versetul 1

QoQpInvaD bomvam qon DawID, joH'a' toy'wI'. Hoch jaghpu'Daj ghopvo', Sa'ul ghopvo' je toDDI' joH'a', joH'a'vaD bomvam mu'mey jatlh. jatlh: qamuSHa', 'o joH'a', HoSwIj.

versetul 2

naghwIj jem'IHwIj je toDwI'wI' je ghaH joH'a''e'; Qun'a'wI', naghwIj, lulIghwIj, yoDwIj, toDwIj gheb, chalqach'a'wIj.

versetul 3

joH'a' vIrIt. ghaH naDlu' 'e' qotlh 'ej jaghpu'wI'vo' vItoDlu'.

versetul 4

muDech Hegh tlheghmey; mulImmoH lo'laHbe'ghach bIQtIqmey;

versetul 5

muDech Se'ol tlheghmey; muqaD Hegh ngelwI'mey.

versetul 6

jISotDI' joH'a' vIrIt; muboQmeH Qun'a'wI'vaD jIjach. chIrghDajvo' ghoghwIj Qoy, 'ej teSDu'DajDaq ghoS beywIj.

versetul 7

'ej jel yav 'ej Qom, 'ej wal HuDmey qappammey 'ej jel, QeHmo' ghaH.

versetul 8

tlhonDu'Dajvo' Sal tlhIch; 'ej nujDajvo' Sopchu' qul; ghaHvo' meQ ghav naghmey.

versetul 9

chal SIHmoH 'ej ghIr; qamDu'Daj bIngDaq 'oH QIb'a''e'.

versetul 10

che'rub lIgh 'ej puv; SuS telDu' DungDaq chung.

versetul 11

ghaH So'meH QIb lan; Dechbogh jo'ley' bIH bIQmey Hurgh'e' 'engmey jeD'e' je.

versetul 12

bochtaHghajDajvo' 'engmeyDaj tol chuch 'aplommey, qul naghmey je.

versetul 13

chalDaq tuD joH'a', 'ej ghoghDaj nob jenwI'’a’; lutlhej chuch 'aplommey, qul naghmey je.

versetul 14

'ej naQjejHommey ngeH 'ej ghomHa'; 'ej pe'bIl rawmoH 'ej chaH lImmoH.

versetul 15

'ej bIQtIqmey leghlu', 'ej qo' qappammey So'Ha'lu' bIqunDI', 'o joH'a', tlhuHDI' tlhonDu'lIj.

versetul 16

Daq jenvo' ngeH 'ej mutlhap; bIQmey law'vo' muQIq.

versetul 17

jaghwI' HoSvo', muSwI'pu'wI'vo' je mutoD, tlhoy HoSmo' chaH.

versetul 18

qaStaHvIS QIHwIj jaj muqaD, 'ach ngaqwIJ ghaH joH'a''e'.

versetul 19

Daq vaSDaq muqem 'ej mutoD, belDaj jIHmo'.

versetul 20

ruvwIjmo' muQIHHa' joH'a'; ghopDu'wIj Say'mo' jIHvaD nobHa';

versetul 21

joH'a' tIghmey vIpabpu'mo', 'ej jIvvo' vIDameH Qun'a'wI'vo' jItlheDpu'be'.

versetul 22

jIH tlhopDaq bIH Hoch yojmeyDaj'e', 'ej jIHvo' chutmeyDaj vIwoDpu'be'.

versetul 23

ghaH tlhopDaq jIpup, 'ej jImIghmeH jIbot'egh.

versetul 24

vaj ruvwIjmo' nobHa' joH'a', ghopDu'wIj Say' leghmo'.

versetul 25

matlhwI'vaD bImatlh; pupwI'vaD bIpup.

versetul 26

nItwI'vaD bInIt, 'ej ghob QaQ pabQo'wI'vaD bI'uplaw'.

versetul 27

chuD nguqHa' DatoD, 'ach mInDu' nguq Da'eSmoH.

versetul 28

SechwIj DawovmoH SoH'e', joH'a' Qun'a'wI'; QIbwIjDaq tamghay Daqem.

versetul 29

SoHmo' jIqettaHvIS QaS vIjuSlaH, 'ej Qun'a'wI'mo' reD DungDaq jISup.

versetul 30

pup Qun'a'vam He; joH'a' mu' toblu'; ghaHvaD lulIgh luDambogh Hoch yoD ghaH.

versetul 31

Qun ghaHbe'chugh joH'a''e', Qun ghaH 'Iv'e'? nagh ghaHbe'chugh Qun'a'ma', nagh ghaH 'Iv'e'?

versetul 32

muHoSmoH Qun'a' 'ej HewIj pupmoH.

versetul 33

ngem Sargh qamDu' rur qamDu'wIj 'e' qaSmoH, 'ej DaqmeywIj jenDaq mulan.

versetul 34

ghobmeH ghopDu'wIj ghojmoH; jey' Sorpuq nuH 'ob luSIHmoHlaH DeSDu'wIj.

versetul 35

toDlIj yoD munobpu' 'ej mutaHmoH nIHlIj ghop 'ej muDunmoH nguqHa'ghachlIj.

versetul 36

qamDu'wIjvaD taw DavaSmoH, vaj tangbe' qamDu'wIj.

versetul 37

jaghpu'wI' vItlha' 'ej vIjuS 'ej luQaw'lu'pa' jIcheghbe'.

versetul 38

chaH vIghID vaj Hu'laHbe'; qamDu'wIj bIngDaq pum.

versetul 39

ghobmeH HoS mupeS; jIH bIngDaq muqaDbogh Hoch Da'oqmoH.

versetul 40

jIHvaD jaghpu'wI' mongDu' Danob 'ej muSwI'pu'wI' vIQaw'.

versetul 41

luboQlu'meH jach chaH, 'ach chaH toDbogh vay' tu'lu'be'. joH'a'vaD jach chaH, 'ach chaH jangbe'.

versetul 42

chaH vItap; SuSDaq Say'qIS lurur. chaH vIwoD; tawDaq DabqI' lurur.

versetul 43

SolDI' ghotpu', chaHvo' chotoD; nughmey nach vImojmeH choSugh. mutoy' ghotpu' vISovpu'be'bogh.

versetul 44

muQoyDI' mulob; jIH bIngDaq mulan'eghmoH novpu'.

versetul 45

toDujchaj luweS novpu' 'ej jeltaHvIS jem'IHmeychajvo' ghoS.

versetul 46

yIn joH'a' 'ej chepjaj naghwIj 'ej toDwIj Qun'a' peplu'jaj.

versetul 47

bortaS munob Qun'a' 'ej jIH bIngDaq ghotpu' lan,

versetul 48

jaghpu'wI'vo' mutoD; HISlaH, chopep vaj jIH jen law' qaDwI'pu'wI' jen puS; loD ralvo' chotoD.

versetul 49

meqvammo' nughmeyDaq qatlho', 'o joH'a', 'ej ponglIjvaD jIbom.

versetul 50

ta'DajvaD toD Dun nob 'ej 'atwI'DajvaD pung'a' 'ang, reH DawIDvaD nortlhampu'DajvaD je.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122