bommey
18. zsoltár
1. vers
QoQpInvaD bomvam qon DawID, joH'a' toy'wI'. Hoch jaghpu'Daj ghopvo', Sa'ul ghopvo' je toDDI' joH'a', joH'a'vaD bomvam mu'mey jatlh. jatlh: qamuSHa', 'o joH'a', HoSwIj.
2. vers
naghwIj jem'IHwIj je toDwI'wI' je ghaH joH'a''e'; Qun'a'wI', naghwIj, lulIghwIj, yoDwIj, toDwIj gheb, chalqach'a'wIj.
3. vers
joH'a' vIrIt. ghaH naDlu' 'e' qotlh 'ej jaghpu'wI'vo' vItoDlu'.
4. vers
muDech Hegh tlheghmey; mulImmoH lo'laHbe'ghach bIQtIqmey;
5. vers
muDech Se'ol tlheghmey; muqaD Hegh ngelwI'mey.
6. vers
jISotDI' joH'a' vIrIt; muboQmeH Qun'a'wI'vaD jIjach. chIrghDajvo' ghoghwIj Qoy, 'ej teSDu'DajDaq ghoS beywIj.
7. vers
'ej jel yav 'ej Qom, 'ej wal HuDmey qappammey 'ej jel, QeHmo' ghaH.
8. vers
tlhonDu'Dajvo' Sal tlhIch; 'ej nujDajvo' Sopchu' qul; ghaHvo' meQ ghav naghmey.
9. vers
chal SIHmoH 'ej ghIr; qamDu'Daj bIngDaq 'oH QIb'a''e'.
10. vers
che'rub lIgh 'ej puv; SuS telDu' DungDaq chung.
11. vers
ghaH So'meH QIb lan; Dechbogh jo'ley' bIH bIQmey Hurgh'e' 'engmey jeD'e' je.
12. vers
bochtaHghajDajvo' 'engmeyDaj tol chuch 'aplommey, qul naghmey je.
13. vers
chalDaq tuD joH'a', 'ej ghoghDaj nob jenwI'’a’; lutlhej chuch 'aplommey, qul naghmey je.
14. vers
'ej naQjejHommey ngeH 'ej ghomHa'; 'ej pe'bIl rawmoH 'ej chaH lImmoH.
15. vers
'ej bIQtIqmey leghlu', 'ej qo' qappammey So'Ha'lu' bIqunDI', 'o joH'a', tlhuHDI' tlhonDu'lIj.
16. vers
Daq jenvo' ngeH 'ej mutlhap; bIQmey law'vo' muQIq.
17. vers
jaghwI' HoSvo', muSwI'pu'wI'vo' je mutoD, tlhoy HoSmo' chaH.
18. vers
qaStaHvIS QIHwIj jaj muqaD, 'ach ngaqwIJ ghaH joH'a''e'.
19. vers
Daq vaSDaq muqem 'ej mutoD, belDaj jIHmo'.
20. vers
ruvwIjmo' muQIHHa' joH'a'; ghopDu'wIj Say'mo' jIHvaD nobHa';
21. vers
joH'a' tIghmey vIpabpu'mo', 'ej jIvvo' vIDameH Qun'a'wI'vo' jItlheDpu'be'.
22. vers
jIH tlhopDaq bIH Hoch yojmeyDaj'e', 'ej jIHvo' chutmeyDaj vIwoDpu'be'.
23. vers
ghaH tlhopDaq jIpup, 'ej jImIghmeH jIbot'egh.
24. vers
vaj ruvwIjmo' nobHa' joH'a', ghopDu'wIj Say' leghmo'.
25. vers
matlhwI'vaD bImatlh; pupwI'vaD bIpup.
26. vers
nItwI'vaD bInIt, 'ej ghob QaQ pabQo'wI'vaD bI'uplaw'.
27. vers
chuD nguqHa' DatoD, 'ach mInDu' nguq Da'eSmoH.
28. vers
SechwIj DawovmoH SoH'e', joH'a' Qun'a'wI'; QIbwIjDaq tamghay Daqem.
29. vers
SoHmo' jIqettaHvIS QaS vIjuSlaH, 'ej Qun'a'wI'mo' reD DungDaq jISup.
30. vers
pup Qun'a'vam He; joH'a' mu' toblu'; ghaHvaD lulIgh luDambogh Hoch yoD ghaH.
31. vers
Qun ghaHbe'chugh joH'a''e', Qun ghaH 'Iv'e'? nagh ghaHbe'chugh Qun'a'ma', nagh ghaH 'Iv'e'?
32. vers
muHoSmoH Qun'a' 'ej HewIj pupmoH.
33. vers
ngem Sargh qamDu' rur qamDu'wIj 'e' qaSmoH, 'ej DaqmeywIj jenDaq mulan.
34. vers
ghobmeH ghopDu'wIj ghojmoH; jey' Sorpuq nuH 'ob luSIHmoHlaH DeSDu'wIj.
35. vers
toDlIj yoD munobpu' 'ej mutaHmoH nIHlIj ghop 'ej muDunmoH nguqHa'ghachlIj.
36. vers
qamDu'wIjvaD taw DavaSmoH, vaj tangbe' qamDu'wIj.
37. vers
jaghpu'wI' vItlha' 'ej vIjuS 'ej luQaw'lu'pa' jIcheghbe'.
38. vers
chaH vIghID vaj Hu'laHbe'; qamDu'wIj bIngDaq pum.
39. vers
ghobmeH HoS mupeS; jIH bIngDaq muqaDbogh Hoch Da'oqmoH.
40. vers
jIHvaD jaghpu'wI' mongDu' Danob 'ej muSwI'pu'wI' vIQaw'.
41. vers
luboQlu'meH jach chaH, 'ach chaH toDbogh vay' tu'lu'be'. joH'a'vaD jach chaH, 'ach chaH jangbe'.
42. vers
chaH vItap; SuSDaq Say'qIS lurur. chaH vIwoD; tawDaq DabqI' lurur.
43. vers
SolDI' ghotpu', chaHvo' chotoD; nughmey nach vImojmeH choSugh. mutoy' ghotpu' vISovpu'be'bogh.
44. vers
muQoyDI' mulob; jIH bIngDaq mulan'eghmoH novpu'.
45. vers
toDujchaj luweS novpu' 'ej jeltaHvIS jem'IHmeychajvo' ghoS.
46. vers
yIn joH'a' 'ej chepjaj naghwIj 'ej toDwIj Qun'a' peplu'jaj.
47. vers
bortaS munob Qun'a' 'ej jIH bIngDaq ghotpu' lan,
48. vers
jaghpu'wI'vo' mutoD; HISlaH, chopep vaj jIH jen law' qaDwI'pu'wI' jen puS; loD ralvo' chotoD.
49. vers
meqvammo' nughmeyDaq qatlho', 'o joH'a', 'ej ponglIjvaD jIbom.
50. vers
ta'DajvaD toD Dun nob 'ej 'atwI'DajvaD pung'a' 'ang, reH DawIDvaD nortlhampu'DajvaD je.
Könyvek
