bommey
86. zsoltár
1. vers
bomvam qon DawID, Qun’a’ tlhobDI’.
teSlIj yItlhe’moHneS, ‘o joH’a’, ‘ej HIjangneS, jImIpHa’mo’ ‘ej jIDo’Ha’mo’.
2. vers
yInwIj yIchoqneS, jIquvmo’; toy’wI’lI’ yItoDneS, Duvoqmo’. Qun’a’wI’ SoH.
3. vers
jIHvaD tlhoqtlhal yIturneS, ‘o joH’a’. qaStaHvIS jaj Hoch, SoHvaD jIjach.
4. vers
toy’wI’lI’ qa’ yIQuchmoHneS. SoHvaD, ‘o joH’a’, qa’wIj vIpep.
5. vers
bIQaQ, ‘o joH’a’, ‘ej bIDIvHa’moH. DurItchugh vay’, vaj vay’vetlhvaD pung’a’ law’ Datur.
6. vers
HIQoyneS, ‘o joH’a’, qatlhobDI’. tlhoqtlhal vItlhobDI’ HI’IjneS.
7. vers
qaSDI’ SengwIj jaj, qarIt, chojangmo’.
8. vers
Qunpu’ jojDaq Durur pagh. ta’meylIj rurbogh ta’mey tu’lu’be’.
9. vers
ghoS Hoch nughmey DachenmoHpu’bogh; SoHvaD tor, ‘o joH’a’, ‘ej ponglIj luquvmoH.
10. vers
bIDun ‘ej ta’mey Dun Data’. Qun’a’ SoH ‘ej latlh pagh tu’lu’.
11. vers
tIghlIj HIghojmoHneS, ‘o joH’a’, vaj vItlIj vIpab. tIqwIj yIwatlhmoHneS, vaj ponglIj vIvuv.
12. vers
qatlho’meH, ‘o joH’a’, Qun’a’wI’, tIqwIj Hoch vIlo’. Hochlogh ponglIj vIquvmoH.
13. vers
jIHvaD Dun pung’a’lIj; Se’ol jaQvo’ qa’wIj Daluppu’.
14. vers
‘o Qun’a’, muqaDmeH Hu’pu’ loDpu’ nguq. muHoHrup loDpu’ ral ghom ‘ej nIqelQo’.
15. vers
‘ach pung, tlhoqtlhal turbogh Qun’a’’e’ SoH, ‘o joH’a’. QIt bIQeHchoH ‘ej pung’a’, vIt vey’ je Daghaj.
16. vers
HItlhe’neS ‘ej jIHvaD tlhoqtlhal yIturneS; toy’wI’lI’ yIHoSmoHneS; Dutoy’bogh be’ puqloD yItoDneS.
17. vers
jIHvaD maQ QaQ yIta’neS. vaj wanI’vam lulegh mumuSbogh ghotpu’ ‘ej tuHchoH, choQaHpu’mo’, ‘o joH’a’, ‘ej chobaw’moHpu’mo’.
Könyvek
