bommey
51. zsoltár
1. vers
QoQpInvaD bomvam qon DawID, ghaH ghoSDI’ natan ‘aqwI’’a’, batSeba’ ‘elpu’DI’.
jIHvaD tlhoqtlhal yIturneS, ‘o Qun’a’, pung’a’lIjmo’; punglIj vItlhmo’ ta’meywIj mIgh yInge’neS.
2. vers
jIwoghpu’mo’ HIwatlhmoHneS; jIyempu’mo’ HISay’moHneS.
3. vers
jIwoghpu’ ‘e’ vISov ‘ej jIyempu’ reH ‘e’ vItu’.
4. vers
SoH neH qaqaDpu’ jIyemDI’; mIgh ta’wIj ‘e’ Dalegh. vaj bIjatlhDI’ bIlugh net tu’ ‘ej bInoHDI’ DapIchlaHbe’lu’.
5. vers
yIqelneS: jIboghpu’DI’ jImIgh ‘ej muyInmoHpu’DI’ SoSwI’ jIyem.
6. vers
yIqelneS, qa’ qoDDaq vIt tu’lu’DI’ Dabel; tIq peghDaq jIvalmeH choghojmoH. 7 choyemHa’moHmeH chertIS SeQ yIlo’neS vaj jISay’; HISay’moHneS vaj jIH chIS law’ peDbogh muD chIS puS.
8. vers
HIQuchmoHneS ‘ej HItIvmoHneS. lopjaj HomDu’ Daghorpu’bogh.
9. vers
Hochlogh jIyemDI’ qablIj yISo’neS; Hoch ta’meywIj mIgh yInge’neS.
10. vers
jIHvaD tIq Say’ yIchenmoHneS, ‘o Qun’a’, ‘ej jIHvaD qa’ matlh yIrIHqa’neS.
11. vers
qablIjvo’ HIwoDneSQo'; jIHvo’ qa’’a’lI’ quv yInge’neSQo'.
12. vers
QuchmoHbogh toDlIj HInobHa’neS ‘ej Dulobqangbogh qa’ HInobneS.
13. vers
vaj woghwI’pu’vaD tIghlIj vIghojmoH ‘ej nIchegh yemwI’pu’.
14. vers
muDIvmoHbogh ‘Iwvo’ HItoD, ‘o Qun’a’, ‘o toDwIj Qun’a’, ‘ej bomtaHvIS jatwIj, ruvlIj rIch.
15. vers
‘o joH’a’, wuSlIj tIpoSmoHneS, vaj naDlIj maq nujlIj.
16. vers
‘anmoHlu’mo’ DaneHbe’, ‘ach vInobqang; meQmeH nobmo’ bIbelbe’.
17. vers
Qun’a’vaD ‘anmoHDI’ vay’, qa’ ghorlu’pu’bogh ghajnIS. tIq QoS ghorlu’bogh, ‘o Qun’a’, DamuSbe’.
18. vers
tlhI’yon HuDvaD yIQaQneS bIbelDI’: yeru'Sala'yIm veng reDmey tImutlhneS.
19. vers
ngugh batlh ‘anmoHlu’DI’ bIbel, meQmeH nobmeymo’, meQchu’meH nobmeymo’ je; ngugh ‘anmoHmeH raSlIjDaq tangqa’mey lunoblu’.
Könyvek
