bommey
42. zsoltár
1. vers
QoQpInvaD maSqIlvam luqon qo'raH puqloDpu'.
'o Qun'a', DuneHqu' qa'wIj; bIQtIqmey neHqu'bogh Sargh rur.
2. vers
yInbogh Qun'a' 'oj qa'wIj. ghorgh Qun'a' vIghoS?
3. vers
qaStaHvIS pem ram je, SojwIj bIH mIn 'onroSmeywIj'e'. qaStaHvIS jaj Hoch, mujatlh chaH: “nuqDaq ghaH Qun'a'lI''e'?”
4. vers
Dochmeyvam vIqaw, qa'wIj vIlIchDI': qev vItlhejpu'; Qun'a' juH qach wIghoSpu'; beymey Quch DIjachpu' 'ej naDmey DIbompu'; yupma' loppu' ghom'a'.
5. vers
qatlh bI'It, 'o qa'wIj? qatlh qoDwIjDaq bISot? Qun'a' yItul, mutoDbogh Qun'a'wI' vInaDqa'mo'.
6. vers
qoDwIjDaq 'It qa'wIj; meqvammo' yarDen puHvo', Hermon puHvo', mItlh'ar HuDvo' je qaqaw.
7. vers
jach bIQ'a'mey 'ej bIQ notronmeylIj wab vIQoy; mujuS Hoch yu'eghmeylIj.
8. vers
qaStaHvIS pem, pung'a'Daj ra' joH'a'; qaStaHvIS ram, mutlhej bomDaj. muyInmoHbogh Qun'a' vItlhobmeH bomvam vIbom.
9. vers
Qun'a'wI'vaD, naghwIjvaD vIjatlh: “qatlh cholIjpu'? qatlh jISaQtaH muQIHmo' jagh?”
10. vers
muvaq gholpu'wI'; HomDu'wIjDaq bep'a' lurur. qaStaHvIS jaj Hoch, mujatlh: “nuqDaq ghaH Qun'a'lI''e'?”
11. vers
qatlh bI'It, 'o qa'wIj? qatlh qoDwIjDaq bISot? Qun'a' yItul, mutoDbogh Qun'a'wI' vInaDqa'mo'.
Könyvek
