bommey
74. zsoltár
1. vers
maSqIlvam qon ‘aSav.
‘o Qun’a’, qatlh reH juwoD? qatlh yotlhlIj DI’raqmey meQ QeHlIj?
2. vers
ghom’a’lIj yIqawneS; ben law’ Daje’. quHlIj tuq mojmeH DatoDpu’. tlhI’yon HuD yIqawneS; pa’ DaDabpu’.
3. vers
taHbogh pIghDaq yIyItneS; qach quvDaq Hoch Qaw’pu’ jagh!
4. vers
ghom’a’lIj qoDDaq yay bey jachpu’ ghollI’; pa’ Degh DameH joqwI’chaj lanpu’.
5. vers
ngemDaq ‘obmaQ Qachbogh nuv’e’ rur.
6. vers
DaH Hoch Sor Hap ghItlhlu’bogh lughorchu’meH jey’naSmey, mupwI’mey je lo’.
7. vers
qachlIj quv meQmeH qul lulo’; Daq’e’ Dabbogh ponglIj luwatlhHa’moH ‘ej luDejmoH.
8. vers
jatlh’egh: “DIQaw’chu’jaj!” puHDaq Hoch Qun’a’ ghom Daqmey meQ.
9. vers
maQmeymaj DIleghbe’; DaH ‘aqwI’’a’ tu’lu’be’. ghorgh Dor ghu’vam? maH jojDaq Sov pagh.
10. vers
qaStaHvIS puH ‘ar, ‘o Qun’a’, Hagh ghol? reH ponglIj vaq’a’ jagh?
11. vers
qatlh nIHlIj ghop Da’ot? buqlIjvo’ yIlelneS ‘ej tIQaw’neS!
12. vers
ben law’ voDleHwI’ ghaH Qun’a’’e’. puHDaq toD ta’taH.
13. vers
HoSlIjmo’ bIQ’a’ Dawav ‘ej bIQ’a’ tlhapraghmey nach Daghor.
14. vers
lIvyatan nach Datap; Deb Ha’DIbaHmeyvaD Soj DamojmoH.
15. vers
ghItmoHwI’, SoD je DarIv; bIQtIqmey HoS DaQaDmoH.
16. vers
SoHvaD ‘oH pem’e’. SoHvaD ‘oH je ram’e’. chal wovmoHwI’mey, jul je Dacherpu’.
17. vers
Hoch tera’ veHmey Dalanpu’; qImroq tuj, qImroq bIr je DachenmoHpu’.
18. vers
wanI’vam yIqawneS, ‘o joH’a’: Hagh jagh ‘ej ponglIj luvaq qoHpu’.
19. vers
Ha’DIbaHmeyvaD roj bo’DeghlIj qa’ yIlupneSQo'; reH mIpHa’wI’pu’lI’ yIn yIlIjneSQo'.
20. vers
mab yIqelneS. puHDaq Daqmey Hurgh buy’moH juHmey ral.
21. vers
DoHbe’jaj ‘ej tuHbe’jaj ghotpu’ luQIHlu’bogh. ponglIj lunaDjaj mIpHa’wI’, Do’Ha’wI’ je.
22. vers
yIHu’neS, ‘o Qun’a’, ‘ej DIblIj yIHubneS; qaStaHvIS jaj Hoch nIvaq qoHpu’ ‘e’ yIqawneS!
23. vers
jaghpu’lI’ ghogh yIlIjneSQo'. ghurtaH nIqaDbogh lotlhwI’pu’ wab!
Könyvek
