bommey
37. zsoltár
1. vers
bomvam qon DawID.
nIghIjbe'jaj mIghwI'pu' 'ej yemwI'pu' tIghalQo'.
2. vers
tugh lupe'lu'; magh lurur. tugh QaDchogh; tI SuD lurur.
3. vers
joH'a' yIvoq 'ej batlh yIvang; puH DaDab 'ej DaQorghlu'bej.
4. vers
joH'a' DatIvchugh, vaj tIqlIj chabalmey Dunob.
5. vers
joH'a'vaD HelIj yInob; Davoqchugh, vaj [ghu'vam] qaSmoH ghaH.
6. vers
ruvlIj ruchmoH ghaH; tamghay rur. DungluQ rur yojlIj.
7. vers
joH'a'mo' yIleS 'ej yIloSchu'; vay' He tlhInDaq chepchugh, vaj yIQay'Qo', batlhHa' vangchugh.
8. vers
bIQeH 'e' yImev 'ej bIQay' 'e' yImej. bIQeHqu'chugh, vaj bImIgh neH 'e' qaSmoH.
9. vers
mIghwI'pu' lupe'chu'lu' 'ach puH lu'at joH'a' loSwI'pu'.
10. vers
tugh taHbe' jIvvo'; DaqDaj Dabej 'ach taHbe'.
11. vers
'ach puH lu'at nguqHa'wI'pu' 'ej roj vItlh lutIv.
12. vers
quvwI' qaDmeH nab jIvvo' 'ej tapmeH Ho'DuDaj lo'.
13. vers
'ach jIvvo'mo' Hagh joH'a'; paw jajDaj 'e' legh.
14. vers
yan luQIqpu' jIvvo'pu' 'ej naQjejHom nuH lughuSpu'; mIpHa'wI', Do’Ha’wI' je lupumrupmoH chaH 'ej tIgh QaQ pabwI' lupeqrup.
15. vers
tIqchaj tlhIn 'el yanchaj 'ej naQjejHom nuHmeychaj lughorlu'.
16. vers
quvwI' mIp puS QaQ law' jIvvopu' mIp law' QaQ puS.
17. vers
jIvvo'pu' DeSDu' lughorlu' 'ach quvwI'pu' taHmoH joH'a'.
18. vers
tIgh QaQ pabwI'pu' jajmey Sov joH'a'; reH taH nob lu'atbogh.
19. vers
qaStaHvIS poH mIgh, tuHbe' chaH; ghungqu'taHvIS Hoch, yon chaH.
20. vers
jIvvo'pu' luQaw'lu'. yotlhmey 'IH rur joH'a' jaghpu'. ngab; tlhIch lurur.
21. vers
ngIp jIvvo' 'ej DIlqa'be', 'ach varHa' quvwI' ej nob.
22. vers
puH 'at ghotpu' quvmoHbogh, 'ach ghotpu' quvHa'moHbogh lupe'lu'chu'.
23. vers
loD He cher joH'a' 'ej tIghDaj tIv.
24. vers
tangchugh, pumchu'be', ghopDaj 'uchmo' joH'a'.
25. vers
jIQuppu'; DaH jIqan. 'ach quvwI' lonlu' 'e' vIleghpu'be' 'ej tIr ngogh [luSopmeH] qoy' puqpu'Daj 'e' vIleghpu'be'.
26. vers
reH tlhoqtlhal tur 'ej noj 'ej puqpu'Daj luquvmoHlu'.
27. vers
yImIghQo' 'ej yIQaQ; vaj reH bItaH.
28. vers
ruv muSHa' joH'a'; quvwI'pu'Daj lonbe'. reH chaH choq 'ach jIvvo'pu' puqpu' pe'chu'.
29. vers
puH lu'at quvwI'pu' 'ej reH luDab.
30. vers
jatlhDI' quvwI' nuj, val [mu'meyDaj] 'ej ruv rIch jatDaj.
31. vers
tIqDajDaq 'oH Qun'a'Daj chut'a''e'; yIt'DI', tangbe'.
32. vers
quvwI' bej jIvvo' 'ej ghaH HeghmoH 'e' nID.
33. vers
ghopDajDaq ghaH lonbe' joH'a' 'ej noHlu'DI', qIchlu' 'e' qaSmoHbe'.
34. vers
joH'a' DaloSchugh 'ej tIghDaj Dapabchugh, vaj puH Da'atmeH DuquvmoH; jIvvo'pu' lu'pe'lu'chu' 'e' Dalegh.
35. vers
ghotpu' mIgh, HoSghaj je vIleghpu'. rIb'eghmoH; Sung Sor SuDqu' lurur.
36. vers
'ach juS; yIqel, taHbe'. ghaH vInejpu' 'ach tu'lu'be'.
37. vers
tIgh QaQ pabwI' yIbej 'ej yIqel; rojbogh loDvaD 'oH tuch'e'.
38. vers
'ach woghwI'pu' luQaw'lu'chu' 'ej jIvvo'pu'vo' tuch pe'lu'chu'.
39. vers
joH'a'vo' 'oH quvwI'pu' toD'e'. qaStaHvIS Seng poHmey, lulIghchaj ghaH.
40. vers
chaH QaH joH'a' 'ej toD; jIvvo'pu'vo' chaH toD, ghaHvaD lulIgh luDammo'.
Könyvek
