bommey
84. zsoltár
1. vers
QoQpInvaD bomvam luqon qo'raH puqloDpu’. ghIttIt lo’lu’taHvIS [bomlu’].
Dunqu’ jo’ley’’a’lIj, ‘o mangghom joH’a’!
2. vers
joH’a’ pa’mey ‘oH qa’wIj chabal’e’. bIHmo’ vulchoH je. yInbogh Qun’a’vaD bom tIqwIj, ‘oynotwIj je.
3. vers
vabDot ‘anmoHmeH raSmeylIjDaq juH Sam borghel; pa’ puqmeyDaj lanmeH yanwo’ Sam yatqap, ‘o mangghom joH’a’, voDleHwI’, Qun’a’wI’ je.
4. vers
Quchqu’ juH qachlIj luDabbogh ghotpu’’e’, reH naDlIj lubomtaHvIS! SelaH
5. vers
Quchqu’ HoSDaj DuDambogh nuv’e’. [tlhI’yon] tawmey leng neH tIqDaj.
6. vers
baqa’ ngech lutoltaHvIS, bIQ lughItmoH. DoQmIv’a’mey buy’moHmeH SIS je.
7. vers
ghurtaH HoSchaj; tlhI’yonDaq Hoch nuv tu’ Qun’a’.
8. vers
‘o joH’a’, mangghom Qun’a’, qatlhobDI’ HIQoyneS; HI’IjneS, ‘o ya’qov Qun’a’! SelaH
9. vers
yoDmaj yIleghneS, ‘o Qun’a’; ‘atwI’’a’lI’ qab yIbejneS!
10. vers
pa’meylIjDaq wa’ jaj qaq law’ latlh vogh wa’SaD jaj qaq puS. Qun’a’wI’ juH qach lojmIt ‘avwI’ vIgheS qaq law’ jIvvo’ jo’ley’ vIDab qaq puS.
11. vers
jul, yoD je ghaH joH’a’’e’, Qun’a’’e’. tlhoqtlhal tur joH’a’ ‘ej quvmoH. tIgh QaQ lupabchugh nuvpu’, vaj nuvpu’vetlhvo’ pagh QaQ ‘ot.
12. vers
‘o mangghom joH’a’, Duvoqchugh vay’, vaj Quchqu’ vay’vetlh!
Könyvek
