bommey
77. zsoltár
1. vers
QoQpInvaD bomvam qon ‘aSav. yeDu’tun lo’lu’taHvIS [bomlu’].
ghoghwIj vIlo’; Qun’a’vaD jIjachmeH ghoghwIj vIlo’ ‘ej muQoy.
2. vers
qaSDI’ Seng jaj, joH’a’ vInej; qaStaHvIS ram ghopwIj vIpeptaH ‘ach baw’Qo’ qa’wIj.
3. vers
Qun’a’ vIqawDI’ jISot; jIpaQ ‘ej vulchoH qa’wIj. SelaH
4. vers
mInyoDDu’wIj DapoSmoHtaH. jISotqu’ vaj jIjatlhlaHbe’.
5. vers
jajmey Deq vIqel; DISmey ngo’ vIqel.
6. vers
vIjatlh: “qaStaHvIS ram, bomwIj vIqawjaj. paQjaj tIqwIj.” vaj nejqu’ qa’wIj:
7. vers
“reH woD joH’a’? not tlhoqtlhal Daturqa’?”
8. vers
reH mevpu’ pung’a’Daj? Hochlogh lujpu’ ‘IpmeyDaj?
9. vers
tlhoqtlhal tur ‘e’ lIjpu’ Qun’a’? pungDaj SoQmoHpu’ QeHmo’? SelaH
10. vers
‘ej vIjatlh: “Dochvam vItlhob: jenwI’’a’ nIH ghop DISmey.”
11. vers
joH’a’ ta’mey vIqaw; boqHarmeylIj tIQ vIqawbej.
12. vers
Hoch ta’meylIj vIpaQ ‘ej chavmeylIj vIrIch.
13. vers
quv tIghlIj, ‘o Qun’a’. Dun Qun’a’; rapbogh Qun yIngu’.
14. vers
boqHarmey ta’bogh Qun’a’’e’ SoH. ghotpu’vaD HoSlIj DaSovmoHta’.
15. vers
ghotpu’lIj, ya’qov yo’Sev je puqpu’ DatoDmeH DeSlIj Dalo’ta’. SelaH
16. vers
nIleghDI’ bIQmey, ‘o Qun’a’, nIleghDI’ bIQmey lughIjlu’. jelbej bIQ’a’.
17. vers
bIQ lulIch ‘engmey; tuD chal. Hoch lurghDaq bar naQjejHommeylIj.
18. vers
SuS’a’Daq tuD ghoghlIj; qo’ luwovmoH be’bIlmey; Qom puH ‘ej jel.
19. vers
bIQ’a’Daq ‘oH HelIj’e’; bIQmey law’Daq ‘oH tawlIj’e’ ‘ach bem vemmeylIj luleghlu’be’.
20. vers
ghotpu’lI’ DaDevpu’; DI’raq ghom rur. MoSe, ‘aHeron je ghop Dalo’pu’.
Könyvek
