bommey
17. zsoltár
1. vers
Qun'a' tlhobmeH DawID bomvam lo’.
ruv DIb yIQoyneS, 'o joH'a'; beywIj yIbuS! qatlhobDI', teSlIj yInobneS, yuDHa'mo' wuSDu'wIj.
2. vers
SoHvo' ghoSjaj yojwIj; Dochmey QaQ bejjaj mInDu'lIj.
3. vers
tIqwIj DanuD; qaStaHvIS ram choSuch; chotobpu' 'ej pogh DaSam; woghbe' nujwIj 'e' vIHechta'.
4. vers
loD ta'mey vIrIch: wuSDu'lIj mu'meymo' HI' Hemey vIjunpu'.
5. vers
tawmeylIj 'uchpu' qamDu'wIj; tangbe'pu'.
6. vers
qarIt, chojangmo', 'o Qun'a'; jIHvaD teSDu'lIj tItlhe'moHneS; mu'meywIj tIQoyneS.
7. vers
pung'a'lIj Dun vI'ang; nIH ghoplIjDaq jaghpu'chajvo' lulIgh nejchugh vay', vaj vay'vetlh tuDwI' SoH.
8. vers
mIn 'epIl naH vIrurmeH HIpolneS; telDu'lIj QIbDaq HISo'neS.
9. vers
muHIv jIvvo'pu'; muDech jaghpu'wI' HeghmoHwI'.
10. vers
vupbe'meH SoQ tIqDu'chaj; mu'mey nguq jatlh nujDu'chaj.
11. vers
DaH qamDu'maj Dech; yavDaq nupummoHmeH mInDu'chaj lan.
12. vers
vIrghrupbogh vIghro''a' rur; ghachbogh vIghro''a' Qup rur.
13. vers
yIHu', 'o joH'a', ghaH yIqaD 'ej yIpummoH; yanlIj Dalo'taHvIS jIvvo'vo' qa'wIj yItoD.
14. vers
qo' loDpu'vo' [HItoDmeH] ghoplIj yIlo', 'o joH'a'. yInvamDaq 'oH popchaj'e'; chorchaj buy'moH qengHoDlIj; puqpu'chajmo' yon chaHv; ghupu'chajvaD chuv luratlhmoH.
15. vers
jIH'e', ruvmo' qablIj vIleghchu'; jIvemDI', muyonmoH tu'qomlIj.
Könyvek
