bommey
32. zsoltár
1. vers
maSqIl'e' qonbogh DawID 'oH bomvam'e'.
yemDI' vay' 'ej qeHHa'lu'chugh, vaj Quchqu' vay'vetlh. woghchugh, vaj vellu'.
2. vers
mawDI' loD 'ej qelbe'chugh joH'a', vaj Quchqu' loDvetlh; qo'DajDaq tojbe'.
3. vers
jItamtaHvIS ragh HomDu'wIj; qaStaHvIS jaj Hoch jIjach.
4. vers
qaStaHvIS pem ram je jIH DungDaq 'ugh ghoplIj. QaDchoHpu' HoSwIj; qImroq tuj rur ghu'vam. SelaH
5. vers
jIyem SoHvaD 'e' vIchIDpu'; jIwogh 'e' vIvelbe'pu'. vIjatlh: “jIyem joH'a'vaD 'e' vIDIS,” 'ej choqeHHa'. SelaH
6. vers
Dochvammo' DaSamlaHlu'taHvIS Duvanjaj Hoch quvwI'. qaSDI' bIQmey law' SoD, ghaH luSIchbe'bej chaH.
7. vers
jIHvaD So'meH Daq SoH. Sengvo' chochoq; muDech toDlIj beymey. SelaH
8. vers
yItmeH He Dangu'meH qavalmoH 'ej qaghojmoH; DubejtaHvIS mInwIj qaqeS.
9. vers
yajbe'bogh vummeH Sargh yIrurQo'. 'oH SeHlu'meH chopmeH naQ, nach qogh je lulo'lu'. bIH lulo'be'lu'chugh, vaj ratlhQo' Sargh.
10. vers
law' jIvvo' Sengmey, 'ach joH'a' voqbogh ghot Dech pung'a'.
11. vers
joH'a'mo' peQuch 'ej pelop, 'o quvwI'pu', 'ej SuQuchtaHvIS pejach, 'o tIq QaQ lughajbogh Hoch!
Könyvek
