bommey
35. zsoltár
1. vers
[bomvam] qon DawID.
'o joH'a', muqaDbogh ghotpu' yIqaDneS; muSuvbogh ghotpu' yISuvneS!
2. vers
yoDwIj, may' SutwIj je tI'uchneS 'ej choQaHmeH yIHu'neS!
3. vers
tlha'wI'pu'wI' DaqaDmeH naQjej, chonnaQ je tIQIqneS! qa'wIjvaD yIjatlhneS: “toDlIj jIH!”
4. vers
tuHjaj yInwIj nejwI'pu' 'ej quvHa'jaj! QIHwIj nabwI'pu' luDoHmoHlu'jaj 'ej belHa'jaj!
5. vers
SuSDaq tIr yub lururjaj; chaH vujjaj joH'a' HoSDo'!
6. vers
Hurghjaj Hechaj 'ej 'Ichjaj; chaH tlha'jaj joH'a' HoSDo'!
7. vers
meq luHutlh, QemjIqDaq [mujonmeH] SIr'o' luSo'DI'; meq luHutlh, yInwIj [lutlhapmeH] tlhanDI'.
8. vers
Sovbe'DI' ghaH ghoSjaj QIH! ghaH jonjaj SIr'o' So'bogh! ghaH Qaw'meH 'oHDaq pumjaj!
9. vers
'ej joH'a'mo' Quch qa'wIj 'ej toDDaj lop.
10. vers
jatlh Hoch HomDu'wIj: “'o joH'a', Durur 'Iv? HoSwI'vo' mIpHa'wI' DatoD; HejwI'vo' mIpHa'wI', nguqHa’wI' je [DatoD].
11. vers
Hu' nguHwI'pu' Qaq; Dochmey vISovbe'bogh mughel.
12. vers
batlh jIvangDI' muQIH; Sot qa'wIj.
13. vers
'ach jIH'e'—ropDI' chaH—weSjech ghegh vItuQ 'ej 'jISopQo' 'ej pe'vIl Qun'a'vaD jIqoy'.
14. vers
jupwI', loDnI'wI' joq rur ghaH; ghu'vam vIDa. pe'vIl jI'eS'eghmoH; SoS HutlhchoHwI' vIDa.
15. vers
'ach jISotDI' Quchqu' chaH 'ej ghom; muqaDmeH ghom HIvwI'pu' 'ej vISovbe'. muvIrgh 'ej mevbe'.
16. vers
'uQ'a'Daq vaqwI'pu' HoQ rur; muyIvmeH Ho'Du'chaj lo'.
17. vers
'o joH'a'wI', qaStaHvIS poH 'ar bIlegh? QIHmeychajvo' HItoDneS; vIghro''a'meyvo' yInwIj yItoDneS.
18. vers
yej'a'Daq qatlho'; ghotpu' law' jojDaq qanaD.
19. vers
jIHmo' Quchqu'jaj jaghpu'wI'; meq luHutlhDI' mumuSchugh, wangbe'jaj.
20. vers
roj lujatlhbe'; puHDaq tamwI'pu' tojmeH nab chaH.
21. vers
nujDu'chaj poSqu'moH 'ej jatlh: “toH, toH, leghpu' mInDu'maj.”
22. vers
Daleghpu', 'o joH'a'; yItamtaHQo'; 'o joH'a', jIHvo' yIHopQo'.
23. vers
yIvem 'ej yojwIjmo' yIHu', qaDwIjmo', 'o Qun'a'wI', joH'a'wI' je.
24. vers
ruvlIjmo' HInoH, 'o joH'a', 'ej jIHmo' Quchqu'jaj chaH.
25. vers
jatlhbe'jaj tIqDu'chaj: “toH, wIneHchugh, vaj wIghaj.” jatlhbe'jaj: “ghaH wIghuppu'.”
26. vers
vIQIHlu'DI' Quchqu'chugh, vaj tuHjaj 'ej mISjaj. muqaDmeH pep'eghchugh, vaj tuQmoHjaj quvHa'ghach.
27. vers
ruvwIjmo' belchugh vay', vaj Quchqu'jaj vay'vetlh 'ej jachjaj. jatlhtaHjaj: “joH'a' quvmoHlu'jaj; chepmo' toy'wI'Daj, bel ghaH.”
28. vers
qaStaHvIS jaj Hoch, ruvlIj, naDlIj je jatlh jatwIj.
Könyvek
