bommey
89. zsoltár
1. vers
maSqIlvam qon ‘eytan, ‘eSraH tuq.
Hochlogh joH’a’ pung’a’ vIrIch jIbomDI’. Hoch puq poHmeyvaD vIt’a’lIj vISovmoH.
2. vers
vIjatlh: “reH pung’a’ cherlu’; chal’a’Daq vIt’a’lIj Dacher.”
3. vers
Dajatlh: “nuv vIwIvpu’; nuvvamvaD mab vIchenmoHpu’. toy’wI’wI’, DawIDvaD jI’Ippu’: 4 “reH nortlhamlIj vIcher; qaStaHvIS Hoch puq poHmey, quS’a’lIj vIcher.”” SelaH
5. vers
boqHarmeylIj naDjaj chal’a’, ‘o joH’a’! quvwI’ yejDaq vIt’a’lIj naDlu’jaj!
6. vers
chal’a’Daq joH’a’, ‘Iv je lupatlhmoHlu’? Qun puqloDpu’Daq joH’a’ rur ‘Iv?
7. vers
quvwI’ yejDaq Qun’a’ vuvqu’lu’; ghaH Dun law’ Dechbogh Hoch Dun puS.
8. vers
‘o joH’a’, mangghom Qun’a’, HoSghaj ‘Iv? Durur ‘Iv, ‘o joH’a’? DuDech vIt’a’.
9. vers
lunqu’bogh bIQ’a’ Dache’; ghanchoHDI’ yu’eghmeyDaj, DaghanHa’moH.
10. vers
raHav Datappu’; lom rur. jaghpu’lI’ DaghomHa’meH DeSlIj HoSghaj Dalo’pu’.
11. vers
chal Daghaj; puH Daghaj je. qo’, Hoch yagh je Dacherta’.
12. vers
chan, ‘ev, tIng je DachenmoHta’; ponglIj lunaD tavor, Hermon je.
13. vers
DeS HoSghaj Daghaj; HoS ghoplIj; jen nIHlIj ghop.
14. vers
quS’a’lIj qappam bIH quv’e’, ruv’e’ je. nInung pung’a’, vIt’a’ je.
15. vers
lopmeH bey SeQ luSovchugh ghotpu’, vaj Quchqu’ ghotpu’vetlh. qablIj tamghaymo’ yIt chaH, ‘o joH’a’.
16. vers
qaStaHvIS jaj Hoch, lop chaH; ruvlIjmo’ Hem.
17. vers
HoSchaj ngay’ SoH; jumaSmo’ ghebmaj peplu’.
18. vers
yoDmaj ghaj joH’a’, ta’ma’ ghaj yISra’el quvwI’’a’.
19. vers
ben law’ quvwI’lI’vaD HaSta ngar Da’ang ‘ej Dajatlh: “nuv HoSghajvaD QaH vInobta’; ghotpu’vo’ wa’ vIwIvta’.
20. vers
DawID, toy’wI’wI’, vISamta’; ghaHDaq watrIn SeQ vIlIchta’.
21. vers
vaj ghaHvaD ghoplIj cherlu’; ghaH HoSmoH DeSwIj je.
22. vers
yuqbe’ jagh; quvHa’moHbe’ jIvvo’.
23. vers
gholpu’Daj vItap ‘ej wanI’vam tu’ ghaH. lumuSbogh ghotpu’ vImupchu’.
24. vers
ghaH lutlhej vIt’a’wIj, pung’a’wIj je. pongwIjmo’ ghebDaj peplu’.
25. vers
bIQ’a’Daq ghopDaj vIlan; bIQtIqmeyDaq nIHDaj ghop vIlan.
26. vers
jIHvaD jach: “vav’a’wI’, Qun’a’wI’, toDwIj nagh je SoH.”
27. vers
ghaHvaD ghubDaQ vImojmoH; tera’ ta’pu’’e’ ghaH potlh law’ Hoch potlh puS.
28. vers
reH ghaHvaD pun’a’wIj vIchoq ‘ej mabwIj vIpab.
29. vers
reH nortlhamDaj vIcher; chal’a’ jajmey rur quS’a’Daj.
30. vers
chutwIj lulonchugh puqpu’Daj, ruvwIj vepmey lobQo’chugh,
31. vers
rIchwInmeywIj wemchugh, jIra’DI’ pabQo’chugh,
32. vers
vaj wemchajmo’ vIbIjmeH naQ vIlo’. yemmo’ Henjun vIlo’.
33. vers
‘ach ghaHvo’ punq’a’wIj vInge’Qo’ ‘ej vIt’a’wIj vImaghQo’.
34. vers
mabwIj vIwemQo’ ‘ej wuSwIj mu’mey vIchoHQo’.
35. vers
wa’logh quvwIjmo’ jI’Ipta’; DawID vIjatlhDI’ jInepbe’.
36. vers
Hochlogh taH nortlhampu’Daj. taH quS’a’Daj; jul rur. ghu’vam vItu’.
37. vers
reH cherlu’; chalDaq nguHbogh maS matlh rur.” SelaH
38. vers
‘ach DaH bIwoDpu’ ‘ej bIlajpu’Qo’; ‘atwI’’a’lI’ bIQeHqu’.
39. vers
toy’wI’lI’ mab Dalajpu’Qo’; Say’qISDaq mIv’a’Daj DalammoHpu’.
40. vers
Hoch reDmeyDaj Daghorpu’; jem’IHDajvaD pIgh DamojmoHpu’.
41. vers
qengHoD lunIH tolbogh Hoch. ghaH luvaq jIlpu’Daj.
42. vers
gholpu’Daj nIH ghop Dapeppu’; Hoch jaghpu’Daj DalopmoHpu’.
43. vers
yanDaj HeH Datlhe’moHpu’; may’Daq DaQapmoHpu’be’.
44. vers
ngay’Daj DamevmoHpu’; ravDaq quS’a’Daj Davo’pu’.
45. vers
jajmeyDaj vaQ DangajmoHpu’; vel quvHa’ghach ‘e’ DaqaSmoHpu’ SelaH
46. vers
qaStaHvIS poH ‘ar qaS ghu’vam, ‘o joH’a’? reH DaSo’’a’? qaStaHvIS poH ‘ar meQbogh qul rur QeHlIj?
47. vers
ngaj poHwIj ‘e’ yIqawneS! meq qeymo’ Hoch Humanpu’ DachenmoHpu’!
48. vers
yInbogh ‘ej not Heghbogh loD yIngu’. Se’ol HoSvo’ qa’Daj toDlaH ‘Iv? SelaH
49. vers
joH’a’, nuqDaq ‘oH pung’a’lIj Deq’e’? DawIDvaD pung’a’vam Da’Ippu’ vIt’a’lIjmo’.
50. vers
toy’wI’pu’lI’ luvaqlu’ ‘e’ yIqawneS, ‘o joH’a’. mutIch nughmey law’; wanI’vam SIQ tIqwIj.
51. vers
muvaQ jaghlI’, ‘o joH’a’; yIttaHvIS ‘atwI’’a’lI’, luvaQ jaghpu’lI’.
52. vers
Hochlogh joH’a’ quvmoHlu’jaj! qaSjaj ‘ej qaSjaj.
Könyvek
