bommey

Capitole:

… 87 88 89 90 91 …   ⇤ ← 89 → ⇥

versetul 1

maSqIlvam qon ‘eytan, ‘eSraH tuq.
Hochlogh joH’a’ pung’a’ vIrIch jIbomDI’. Hoch puq poHmeyvaD vIt’a’lIj vISovmoH.

versetul 2

vIjatlh: “reH pung’a’ cherlu’; chal’a’Daq vIt’a’lIj Dacher.”

versetul 3

Dajatlh: “nuv vIwIvpu’; nuvvamvaD mab vIchenmoHpu’. toy’wI’wI’, DawIDvaD jI’Ippu’: 4 “reH nortlhamlIj vIcher; qaStaHvIS Hoch puq poHmey, quS’a’lIj vIcher.”” SelaH

versetul 5

boqHarmeylIj naDjaj chal’a’, ‘o joH’a’! quvwI’ yejDaq vIt’a’lIj naDlu’jaj!

versetul 6

chal’a’Daq joH’a’, ‘Iv je lupatlhmoHlu’? Qun puqloDpu’Daq joH’a’ rur ‘Iv?

versetul 7

quvwI’ yejDaq Qun’a’ vuvqu’lu’; ghaH Dun law’ Dechbogh Hoch Dun puS.

versetul 8

‘o joH’a’, mangghom Qun’a’, HoSghaj ‘Iv? Durur ‘Iv, ‘o joH’a’? DuDech vIt’a’.

versetul 9

lunqu’bogh bIQ’a’ Dache’; ghanchoHDI’ yu’eghmeyDaj, DaghanHa’moH.

versetul 10

raHav Datappu’; lom rur. jaghpu’lI’ DaghomHa’meH DeSlIj HoSghaj Dalo’pu’.

versetul 11

chal Daghaj; puH Daghaj je. qo’, Hoch yagh je Dacherta’.

versetul 12

chan, ‘ev, tIng je DachenmoHta’; ponglIj lunaD tavor, Hermon je.

versetul 13

DeS HoSghaj Daghaj; HoS ghoplIj; jen nIHlIj ghop.

versetul 14

quS’a’lIj qappam bIH quv’e’, ruv’e’ je. nInung pung’a’, vIt’a’ je.

versetul 15

lopmeH bey SeQ luSovchugh ghotpu’, vaj Quchqu’ ghotpu’vetlh. qablIj tamghaymo’ yIt chaH, ‘o joH’a’.

versetul 16

qaStaHvIS jaj Hoch, lop chaH; ruvlIjmo’ Hem.

versetul 17

HoSchaj ngay’ SoH; jumaSmo’ ghebmaj peplu’.

versetul 18

yoDmaj ghaj joH’a’, ta’ma’ ghaj yISra’el quvwI’’a’.

versetul 19

ben law’ quvwI’lI’vaD HaSta ngar Da’ang ‘ej Dajatlh: “nuv HoSghajvaD QaH vInobta’; ghotpu’vo’ wa’ vIwIvta’.

versetul 20

DawID, toy’wI’wI’, vISamta’; ghaHDaq watrIn SeQ vIlIchta’.

versetul 21

vaj ghaHvaD ghoplIj cherlu’; ghaH HoSmoH DeSwIj je.

versetul 22

yuqbe’ jagh; quvHa’moHbe’ jIvvo’.

versetul 23

gholpu’Daj vItap ‘ej wanI’vam tu’ ghaH. lumuSbogh ghotpu’ vImupchu’.

versetul 24

ghaH lutlhej vIt’a’wIj, pung’a’wIj je. pongwIjmo’ ghebDaj peplu’.

versetul 25

bIQ’a’Daq ghopDaj vIlan; bIQtIqmeyDaq nIHDaj ghop vIlan.

versetul 26

jIHvaD jach: “vav’a’wI’, Qun’a’wI’, toDwIj nagh je SoH.”

versetul 27

ghaHvaD ghubDaQ vImojmoH; tera’ ta’pu’’e’ ghaH potlh law’ Hoch potlh puS.

versetul 28

reH ghaHvaD pun’a’wIj vIchoq ‘ej mabwIj vIpab.

versetul 29

reH nortlhamDaj vIcher; chal’a’ jajmey rur quS’a’Daj.

versetul 30

chutwIj lulonchugh puqpu’Daj, ruvwIj vepmey lobQo’chugh,

versetul 31

rIchwInmeywIj wemchugh, jIra’DI’ pabQo’chugh,

versetul 32

vaj wemchajmo’ vIbIjmeH naQ vIlo’. yemmo’ Henjun vIlo’.

versetul 33

‘ach ghaHvo’ punq’a’wIj vInge’Qo’ ‘ej vIt’a’wIj vImaghQo’.

versetul 34

mabwIj vIwemQo’ ‘ej wuSwIj mu’mey vIchoHQo’.

versetul 35

wa’logh quvwIjmo’ jI’Ipta’; DawID vIjatlhDI’ jInepbe’.

versetul 36

Hochlogh taH nortlhampu’Daj. taH quS’a’Daj; jul rur. ghu’vam vItu’.

versetul 37

reH cherlu’; chalDaq nguHbogh maS matlh rur.” SelaH

versetul 38

‘ach DaH bIwoDpu’ ‘ej bIlajpu’Qo’; ‘atwI’’a’lI’ bIQeHqu’.

versetul 39

toy’wI’lI’ mab Dalajpu’Qo’; Say’qISDaq mIv’a’Daj DalammoHpu’.

versetul 40

Hoch reDmeyDaj Daghorpu’; jem’IHDajvaD pIgh DamojmoHpu’.

versetul 41

qengHoD lunIH tolbogh Hoch. ghaH luvaq jIlpu’Daj.

versetul 42

gholpu’Daj nIH ghop Dapeppu’; Hoch jaghpu’Daj DalopmoHpu’.

versetul 43

yanDaj HeH Datlhe’moHpu’; may’Daq DaQapmoHpu’be’.

versetul 44

ngay’Daj DamevmoHpu’; ravDaq quS’a’Daj Davo’pu’.

versetul 45

jajmeyDaj vaQ DangajmoHpu’; vel quvHa’ghach ‘e’ DaqaSmoHpu’ SelaH

versetul 46

qaStaHvIS poH ‘ar qaS ghu’vam, ‘o joH’a’? reH DaSo’’a’? qaStaHvIS poH ‘ar meQbogh qul rur QeHlIj?

versetul 47

ngaj poHwIj ‘e’ yIqawneS! meq qeymo’ Hoch Humanpu’ DachenmoHpu’!

versetul 48

yInbogh ‘ej not Heghbogh loD yIngu’. Se’ol HoSvo’ qa’Daj toDlaH ‘Iv? SelaH

versetul 49

joH’a’, nuqDaq ‘oH pung’a’lIj Deq’e’? DawIDvaD pung’a’vam Da’Ippu’ vIt’a’lIjmo’.

versetul 50

toy’wI’pu’lI’ luvaqlu’ ‘e’ yIqawneS, ‘o joH’a’. mutIch nughmey law’; wanI’vam SIQ tIqwIj.

versetul 51

muvaQ jaghlI’, ‘o joH’a’; yIttaHvIS ‘atwI’’a’lI’, luvaQ jaghpu’lI’.

versetul 52

Hochlogh joH’a’ quvmoHlu’jaj! qaSjaj ‘ej qaSjaj.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122