bommey

Capitole:

… 20 21 22 23 24 …   ⇤ ← 22 → ⇥

versetul 1

QoQpInvaD bomvam qon DawID. jajlo' Sarghbe' tIgh pab 'oH.
Qun'a'wI' Qun'a'wI' qatlh cholonpu'?
qatlh chotoDmeH jIjachDI' bIHopqu'?

versetul 2

'o Qun'a'wI', qaStaHvIS pem jISaQ 'ach bIjangbe'. qaStaHvIS ram jIleSlaHbe'.

versetul 3

'ach bIquv. yISra'el naDmeyDaq Daba'.

versetul 4

nIvoqpu' no'ma'. nIvoqpu' 'ej DatoDpu'.

versetul 5

SoHvaD jachpu' 'ej lutoDlu'pu'. nIvoqpu' 'ej tuHpu'be'.

versetul 6

'ach qagh jIH 'ej loD jIHbe'. muvaq loDpu' 'ej mumuSqu' ghotpu'.

versetul 7

munuS Hoch muleghchugh. mon wuSDu'chaj 'ej ron nachDu'chaj.

versetul 8

“joH'a' voq! ghaH toDjaj! ghaH narghmoHjaj, belDaj ghaHmo'!”

versetul 9

'ach chI'IDvo' cholel. SoSwI' ngob'atDu'Daq chovoqmoH.

versetul 10

jIboghDI' SoHvaD mujaDlu' 'ej SoSwI' chI'IDvo' Qun'a'wI' SoH.

versetul 11

jIHvo' yIHopQo', Summo' Seng 'ej muQaHmeH pagh tu'lu'.

versetul 12

muDech tangqa'mey law'; muSev baSan tangqa''a'mey.

versetul 13

jIHDaq nujDu'chaj poSmoH; vIrghbogh 'ej jachbogh vIghro''a' lurur.

versetul 14

jIghIt; bIQ vIrur. Hoch HomDu'wIj luchevlu'. req rur tIqwIj. qoDwIjDaq tetlu'.

versetul 15

QaD HoSwIj; DabqI' 'un rur. ghapqa'Du'wIjDaq ngam jatwIj. Hegh Say'qISDaq choQotmoH.

versetul 16

muDech targhmey; muSev mIghwI'pu' wey; ghopDu'wIj qamDu'wIj je ghIDpu'.

versetul 17

Hoch HomDu'wIj vItoghlaH; mubej chaH 'ej mulegh.

versetul 18

chaHvaD SutmeywIj wav; yIvbeHwIjvaD naghmey SuD.

versetul 19

'ach SoH, 'o joH'a', yIHopQo'! choQaHmeH yImoD, wuywI'wI'.

versetul 20

yanvo' qa'wIj yItoD; targh HoSvo' yInwIj yItoD!

versetul 21

vIghro''a' nujvi' yItoD! tangqa'mey tlhay'Ha' pu'Du'vo' chojangpu'.

versetul 22

loDnI'pu'wI'vaD ponglIj vIrIch; yej jojDaq qanaD.

versetul 23

tlhIH, joH'a' vuvwI'pu', yInaD! Hoch ya'qov nortlhampu', ngay' yInob! Hoch yISra'el nortlhampu', yIHaj!

versetul 24

vay' QIHlu'chugh vaj vay'vetlh muSbe' 'ej parbe', 'ej vay'vetlhvo' qabDaj So'be', 'ach ghaHvaD SaQDI' Qoy ghaH.

versetul 25

SoHvo' yej'a'Daq 'oHtaH naDwIj'e'. SaHDI' vuvwI'pu'Daj 'IpmeywIj vIpab.

versetul 26

Sop nguqHa’wI'pu' 'ej yon; joH'a' naD nejwI'pu'Daj! reH yInjaj tIqDu'raj!

versetul 27

joH'a' luqaw qo' HeHmey 'ej ghaHDaq tlhe' 'ej SoH tlhopDaq tor Hoch nughmey tuqmey.

versetul 28

joH'a'vaD 'oH wo''e' 'ej nughmey che'.

versetul 29

Sop Hoch qo' chepwI'pu' 'ej naD; Say'qISDaq ghIrchugh vay', qa'Daj yIn polbe'chugh vay', vaj ghaH tlhopDaq tor vay'vetlh.

versetul 30

lutoy' nortlhampu'; puq poH vebvaD joH'a' rIchlu';

versetul 31

ghoS chaH 'ej wej boghbogh ghotpu' ja' 'ej chaHvaD ruvDaj lumaq. jatlh: ta'ta'.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122