bommey

Capitole:

… 36 37 38 39 40 …   ⇤ ← 38 → ⇥

versetul 1

qawmoHmeH bomvam [qon] DawID.
'o joH'a', HIqunneSQo' bIQeHDI'; HIbIjneSQo' bIQay'DI'.

versetul 2

mu'elpu' naQjejHommeylIj; mughIrpu' ghoplIj.

versetul 3

naQbe' 'oynotwIj belHa'ghachlIjmo'; pIvbe' HomDu'wIj jIyempu'mo'.

versetul 4

nachwIj lujuSpu' ta'meywIj mIgh; tep 'ugh lurur; tlhoy 'ugh.

versetul 5

He'So' HampongmeywIj 'ej nonchoH, qoH jIHmo'.

versetul 6

jISot 'ej vI'eSmoHlu'chu'; qaStaHvIS pem Hoch, jI'IQmo' jIjach.

versetul 7

meQqu' qoDwIj 'ej naQbe' 'oynotwIj.

versetul 8

jIpuj 'ej vItaplu'; jIghughugh tIqwIj Sengmo'.

versetul 9

'o joH'a', SoH tlhopDaq bIH Hoch chabalmeywIj'e'; jIghughughDI', SoHvo' So'be'.

versetul 10

pe'vIl joq tIqwIj; muluj HoSwIj. jIHDaq mInDu'wIj tamghay tu'lu'be'.

versetul 11

ropwIj luDoH juppu'wIj, bangpu'wIj je; Hop'eghmoH chuDpu'wIj.

versetul 12

vonmeH SIr'o'mey cher yInwIj nejwI'pu'; lotmey jatlh QIHwIj nejwI'pu' 'ej qaStaHvIS pem Hoch, tojmeH nab chaH.

versetul 13

'ach QoylaHbe'bogh loD vIrur; nuj poSmoHlaHbe'bogh loD tam vIrur. 14 QoylaHbe'bogh loD vIrurchoHpu'; nujwIjDaq qunmeH mu'mey tu'lu'be'.

versetul 15

SoH, 'o joH'a', qaloS; bIjang, 'o joH'a'wI' Qun'a'wI'.

versetul 16

vIjatlh: “jIHmo' Quchbe'jaj mIywI'pu', tangDI' qamwIj.”

versetul 17

jIpumrup 'ej reH reH 'oy'taHghach vIbam.

versetul 18

jIwogh 'e' vIDIS; jIyemmo' jIQoS.

versetul 19

'ach qu' jaghpu'wI' 'ej HoSghaj; law' mumuSbogh QIHwI'pu'wI'.

versetul 20

jIQaQDI' muDIlmeH ta'mey mIgh tur ghotpu'; tIgh QaQ vIpabmo' mupum chaH.

versetul 21

HIlonneSQo', 'o joH'a'! 'o Qun'a'wI', jIHvo' yIHopneSQo'!

versetul 22

tugh! HIQaHneS, 'o joH'a'wI', toDwIj!

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122