bommey

Capitole:

… 49 50 51 52 53 …   ⇤ ← 51 → ⇥

versetul 1

QoQpInvaD bomvam qon DawID, ghaH ghoSDI’ natan ‘aqwI’’a’, batSeba’ ‘elpu’DI’.
jIHvaD tlhoqtlhal yIturneS, ‘o Qun’a’, pung’a’lIjmo’; punglIj vItlhmo’ ta’meywIj mIgh yInge’neS.

versetul 2

jIwoghpu’mo’ HIwatlhmoHneS; jIyempu’mo’ HISay’moHneS.

versetul 3

jIwoghpu’ ‘e’ vISov ‘ej jIyempu’ reH ‘e’ vItu’.

versetul 4

SoH neH qaqaDpu’ jIyemDI’; mIgh ta’wIj ‘e’ Dalegh. vaj bIjatlhDI’ bIlugh net tu’ ‘ej bInoHDI’ DapIchlaHbe’lu’.

versetul 5

yIqelneS: jIboghpu’DI’ jImIgh ‘ej muyInmoHpu’DI’ SoSwI’ jIyem.

versetul 6

yIqelneS, qa’ qoDDaq vIt tu’lu’DI’ Dabel; tIq peghDaq jIvalmeH choghojmoH. 7 choyemHa’moHmeH chertIS SeQ yIlo’neS vaj jISay’; HISay’moHneS vaj jIH chIS law’ peDbogh muD chIS puS.

versetul 8

HIQuchmoHneS ‘ej HItIvmoHneS. lopjaj HomDu’ Daghorpu’bogh.

versetul 9

Hochlogh jIyemDI’ qablIj yISo’neS; Hoch ta’meywIj mIgh yInge’neS.

versetul 10

jIHvaD tIq Say’ yIchenmoHneS, ‘o Qun’a’, ‘ej jIHvaD qa’ matlh yIrIHqa’neS.

versetul 11

qablIjvo’ HIwoDneSQo'; jIHvo’ qa’’a’lI’ quv yInge’neSQo'.

versetul 12

QuchmoHbogh toDlIj HInobHa’neS ‘ej Dulobqangbogh qa’ HInobneS.

versetul 13

vaj woghwI’pu’vaD tIghlIj vIghojmoH ‘ej nIchegh yemwI’pu’.

versetul 14

muDIvmoHbogh ‘Iwvo’ HItoD, ‘o Qun’a’, ‘o toDwIj Qun’a’, ‘ej bomtaHvIS jatwIj, ruvlIj rIch.

versetul 15

‘o joH’a’, wuSlIj tIpoSmoHneS, vaj naDlIj maq nujlIj.

versetul 16

‘anmoHlu’mo’ DaneHbe’, ‘ach vInobqang; meQmeH nobmo’ bIbelbe’.

versetul 17

Qun’a’vaD ‘anmoHDI’ vay’, qa’ ghorlu’pu’bogh ghajnIS. tIq QoS ghorlu’bogh, ‘o Qun’a’, DamuSbe’.

versetul 18

tlhI’yon HuDvaD yIQaQneS bIbelDI’: yeru'Sala'yIm veng reDmey tImutlhneS.

versetul 19

ngugh batlh ‘anmoHlu’DI’ bIbel, meQmeH nobmeymo’, meQchu’meH nobmeymo’ je; ngugh ‘anmoHmeH raSlIjDaq tangqa’mey lunoblu’.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122