bommey

Capitole:

… 35 36 37 38 39 …   ⇤ ← 37 → ⇥

versetul 1

bomvam qon DawID.
nIghIjbe'jaj mIghwI'pu' 'ej yemwI'pu' tIghalQo'.

versetul 2

tugh lupe'lu'; magh lurur. tugh QaDchogh; tI SuD lurur.

versetul 3

joH'a' yIvoq 'ej batlh yIvang; puH DaDab 'ej DaQorghlu'bej.

versetul 4

joH'a' DatIvchugh, vaj tIqlIj chabalmey Dunob.

versetul 5

joH'a'vaD HelIj yInob; Davoqchugh, vaj [ghu'vam] qaSmoH ghaH.

versetul 6

ruvlIj ruchmoH ghaH; tamghay rur. DungluQ rur yojlIj.

versetul 7

joH'a'mo' yIleS 'ej yIloSchu'; vay' He tlhInDaq chepchugh, vaj yIQay'Qo', batlhHa' vangchugh.

versetul 8

bIQeH 'e' yImev 'ej bIQay' 'e' yImej. bIQeHqu'chugh, vaj bImIgh neH 'e' qaSmoH.

versetul 9

mIghwI'pu' lupe'chu'lu' 'ach puH lu'at joH'a' loSwI'pu'.

versetul 10

tugh taHbe' jIvvo'; DaqDaj Dabej 'ach taHbe'.

versetul 11

'ach puH lu'at nguqHa'wI'pu' 'ej roj vItlh lutIv.

versetul 12

quvwI' qaDmeH nab jIvvo' 'ej tapmeH Ho'DuDaj lo'.

versetul 13

'ach jIvvo'mo' Hagh joH'a'; paw jajDaj 'e' legh.

versetul 14

yan luQIqpu' jIvvo'pu' 'ej naQjejHom nuH lughuSpu'; mIpHa'wI', Do’Ha’wI' je lupumrupmoH chaH 'ej tIgh QaQ pabwI' lupeqrup.

versetul 15

tIqchaj tlhIn 'el yanchaj 'ej naQjejHom nuHmeychaj lughorlu'.

versetul 16

quvwI' mIp puS QaQ law' jIvvopu' mIp law' QaQ puS.

versetul 17

jIvvo'pu' DeSDu' lughorlu' 'ach quvwI'pu' taHmoH joH'a'.

versetul 18

tIgh QaQ pabwI'pu' jajmey Sov joH'a'; reH taH nob lu'atbogh.

versetul 19

qaStaHvIS poH mIgh, tuHbe' chaH; ghungqu'taHvIS Hoch, yon chaH.

versetul 20

jIvvo'pu' luQaw'lu'. yotlhmey 'IH rur joH'a' jaghpu'. ngab; tlhIch lurur.

versetul 21

ngIp jIvvo' 'ej DIlqa'be', 'ach varHa' quvwI' ej nob.

versetul 22

puH 'at ghotpu' quvmoHbogh, 'ach ghotpu' quvHa'moHbogh lupe'lu'chu'.

versetul 23

loD He cher joH'a' 'ej tIghDaj tIv.

versetul 24

tangchugh, pumchu'be', ghopDaj 'uchmo' joH'a'.

versetul 25

jIQuppu'; DaH jIqan. 'ach quvwI' lonlu' 'e' vIleghpu'be' 'ej tIr ngogh [luSopmeH] qoy' puqpu'Daj 'e' vIleghpu'be'.

versetul 26

reH tlhoqtlhal tur 'ej noj 'ej puqpu'Daj luquvmoHlu'.

versetul 27

yImIghQo' 'ej yIQaQ; vaj reH bItaH.

versetul 28

ruv muSHa' joH'a'; quvwI'pu'Daj lonbe'. reH chaH choq 'ach jIvvo'pu' puqpu' pe'chu'.

versetul 29

puH lu'at quvwI'pu' 'ej reH luDab.

versetul 30

jatlhDI' quvwI' nuj, val [mu'meyDaj] 'ej ruv rIch jatDaj.

versetul 31

tIqDajDaq 'oH Qun'a'Daj chut'a''e'; yIt'DI', tangbe'.

versetul 32

quvwI' bej jIvvo' 'ej ghaH HeghmoH 'e' nID.

versetul 33

ghopDajDaq ghaH lonbe' joH'a' 'ej noHlu'DI', qIchlu' 'e' qaSmoHbe'.

versetul 34

joH'a' DaloSchugh 'ej tIghDaj Dapabchugh, vaj puH Da'atmeH DuquvmoH; jIvvo'pu' lu'pe'lu'chu' 'e' Dalegh.

versetul 35

ghotpu' mIgh, HoSghaj je vIleghpu'. rIb'eghmoH; Sung Sor SuDqu' lurur.

versetul 36

'ach juS; yIqel, taHbe'. ghaH vInejpu' 'ach tu'lu'be'.

versetul 37

tIgh QaQ pabwI' yIbej 'ej yIqel; rojbogh loDvaD 'oH tuch'e'.

versetul 38

'ach woghwI'pu' luQaw'lu'chu' 'ej jIvvo'pu'vo' tuch pe'lu'chu'.

versetul 39

joH'a'vo' 'oH quvwI'pu' toD'e'. qaStaHvIS Seng poHmey, lulIghchaj ghaH.

versetul 40

chaH QaH joH'a' 'ej toD; jIvvo'pu'vo' chaH toD, ghaHvaD lulIgh luDammo'.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122