bommey

Capitole:

… 76 77 78 79 80 …   ⇤ ← 78 → ⇥

versetul 1

maSqIlvam qon ‘aSav.
chut’a’wIj yI’Ij, ‘o ghotpu’wI’; nujwIj mu’meyvaD teSraj tItlhe’moH.

versetul 2

SorHa’meH lut vIjatlh; nujwIj vIpoSmoH. tIQbogh vIttlheghmey Hurgh vIjatlh.

versetul 3

DIQoypu’ ‘ej DISovpu’; maHvaD jatlhpu’ no’ma’.

versetul 4

puqpu’chajvo’ DISo’be’ ‘ach puq poH veb wIja’. joH’a’ ta’mey Dun, HoSDaj, boqHarmeyDaj je DIrIch.

versetul 5

ya’qovDaq nguHta’ ghaH; yISra’elDaq chut cherta’. puqpu’chaj ghojmoH vavpu’ma’ ‘e’ ra’ta’.

versetul 6

vaj Sov puq poH veb, wej boghpu’ puqpu’, ‘ej Hu’ ‘ej puqpu’chaj ja’.

versetul 7

vaj Qun’a’ luloS ‘ej Qun’a’ ta’mey lIjbe’ ‘ej rIchwInmeyDaj pab.

versetul 8

vaj no’chaj rurbe’, lotlhbogh puq poH mul chaHmo’. ngaDbe’ tIqchaj ‘ej Qun’a’vaD matlhbe’ qa’chaj.

versetul 9

naQjejHom nuH qeng ‘evra’yIm puqpu’ ‘ach che’ron DoH qaSDI’ may’ jaj.

versetul 10

Qun’a’ mab lupabbe’ ‘ej chutDaj lulobQo’.

versetul 11

ta’meyDaj lIj ‘ej boqHarmeyDaj ‘angta’bogh lIj.

versetul 12

boqHarmey ta’. mItlhra’yImDaq tlho’an yotlhDaq ghu’vam lutu’ no’ma’.

versetul 13

bIQ’a’ wav ‘ej chaHvaD luchIqmoH. bIQmey QammoH; Doj lurur.

versetul 14

qaStaHvIS pem, DevmeH ‘eng lo’; qaStaHvIS ram, DevmeH qul wovmoHwI’ lo’.

versetul 15

DebDaq naghmey rIv ‘ej chaHvaD tlhutlhmoH; bIQ jaQ rur.

versetul 16

naghvo’ bIQtIqHommey ghoSmoH ‘ej bIQmey ghItmoH; bIQtIq’a’ rur.

versetul 17

‘ach luqaDmeH yem chaH ‘ej yemqa’. DebDaq jenwI’’a’ luqaDmeH lotlh.

versetul 18

Qun’a’ lutlhu’moH tIqDu’chaj ‘ej Soj luneHqu’bogh lupoQ.

versetul 19

Qun’a’ lurIchHa’ ‘ej lujatlh: “DebDaq raS cherlaH’a’ Qun’a’?

versetul 20

nagh mup; vaj ghIt bIQ ‘ej bI’ bIQtIqHom. ghotpu’vaD tIr ngogh, Ha’DIbaH joq noblaH’a’ je?”

versetul 21

vaj QoyDI’ joH’a’, QeHqu’choH. ya’qovmo’ meQchoH qul; yISra’elmo’ ghur QeHDaj.

versetul 22

qaS wanI’vam, Qun’a’ luHarbe’mo’ ‘ej toDbogh HoSDaj luvoqbe’mo’.

versetul 23

‘ach chalmey ra’ ‘ej chal’a’ lojmItmey poSmoH.

versetul 24

‘ej SopmeH chaHvaD man SISmoH ‘ej chaHvaD chal tIr nob.

versetul 25

HoSDo’ tIr ngogh Sop loD; Soj law’ ngeH.

versetul 26

chalDaq chan SuS qaSmoH ‘ej HoSDajmo’ tIng SuS qaSmoH.

versetul 27

chaHvaD Ha’DIbaH SISmoH; Say’qIS rur. bo’Deghmey ngeH; bIQ’a’ Do’ol rur.

versetul 28

raQchaj qoDDaq bIH pummoH. juH qachmeychaj Dech.

versetul 29

Sop chaH ‘ej buy’choHchu’, chaHvaD chabalchaj nobmo’.

versetul 30

‘ach yonchoHchu’pa’, nujDu’chajDaq ‘oHtaHvIS Soj,

versetul 31

chaHmo’ QeHqu’choH Qun’a’ ‘ej HoSqu’wI’pu’ HoH ‘ej yISra’el loDpu’ Qup jey.

versetul 32

‘ach yem ‘ej yemqa’ chaH. boqHarmeyDaj buSHa’ ‘ej HarQo’.

versetul 33

vaj jajmeychaj ngabmoH; tlhuHHom rur. DISmeychaj ngabmoH lughIjqu’lu’taHvIS.

versetul 34

chaH HoHDI’, ghaH lunej. DIS ‘ej tlhe’ ‘ej pe’vIl Qun’a’ lunej.

versetul 35

naghchaj ghaH Qun’a’’e’ ‘e’ luqaw. toDwI’chaj ghaH Qun’a’ jenwI’’a’’e’.

versetul 36

‘ach mu’mey qey jatlh nujDu’chaj; lunep jatDu’chaj.

versetul 37

ghaHvaD ngaDbe’ tIqDu’chaj ‘ej mabDaj lupabbe’.

versetul 38

‘ach vup ghaH. yemDI’ chaH, DIvHa’moHmeH vel ghaH ‘ej chaH Qaw’be’. pIj QeHDaj vuS ‘ej Qay’be’.

versetul 39

‘oynot neH chaH ‘e’ qaw; juSbogh ‘ej cheghbe’bogh SuS lurur.

versetul 40

pIj HatlhDaq lulotlh ‘ej DebDaq lunuQ!

versetul 41

Qun’a’ lutlhu’moH ‘ej lutlhu’moHqa’. yISra’el quvwI’’a’ luSuj.

versetul 42

ghopDaj luqawbe’. gholvo’ chaH toD; jajvetlh luqawbe’.

versetul 43

mItlhra’yImDaq ta’mey Dun ta’; tlho’an yotlhDaq boqHarmey ta’.

versetul 44

bIQtIqmeychajvaD ‘Iw mojmoH, vaj tlhutlhlaHbe’.

versetul 45

ghIlab ghew ‘engmey ngeH; chaH natlh bIH. mabebmey ngeH ; chaH Qaw’ bIH.

versetul 46

SupwI’ ghewvaD naH yotlhmeychaj nob. yobmeH vum chaH ‘ach Sop SupwI’ ghew.

versetul 47

ghIrep naH yotlhmeychaj Qaw’meH muD Dotlh HeqmoH. naH Sormeychaj Qaw’meH muD Dotlh taDmoH.

versetul 48

tangqa’meychaj HeghmoH Heqmo’ ‘ej DI’raqmeychaj HeghmoH tuDmo’.

versetul 49

chaHDaq QeH’a’Daj, belHa’ghachDaj, SengDaj je lIch. Qaw’bogh HoSDo’ ngeH.

versetul 50

QeHDajvaD taw chenmoH; Heghvo’ chaH Qanbe’ ‘ach rop’a’vaD yInchaj nob.

versetul 51

mItlhra’yImDaq Hoch ghubDaQ mupchu’; Ham jo’ley’meyDaq HoSchaj wa’DIch mupchu’.

versetul 52

ghIq ghotpu’Daj lup ‘ej DebDaq Dev; DI’raqmey rur.

versetul 53

chaH Qan vaj ghIj pagh ‘ach jaghpu’chaj vIQmoH bIQ’a’.

versetul 54

puHDaqj quvDaq chaH qem. HuDDaq’e’ je’bogh nIHDaj ghop qem.

versetul 55

nughmey vuj ghaH; ghu’vam lutu’ chaH. puH lu’atmeH chaH, wav ghaH. yISra’el tuqmeyvaD jo’ley’meychaj DabmoH.

versetul 56

‘ach Qun’a’ jenwI’’a’ lutlhu’moH ‘ej lulotlh ‘ej chutmeyDaj pabQo’.

versetul 57

ghaHvo’ tlhe’ ‘ej matlhHa’; no’chaj rur. SIH; naQjejHom nuH Duy’ lurur.

versetul 58

Daqmeychaj jenmo’ luQeHmoH; latmeychajmo’ lughalmoH.

versetul 59

QoyDI’ Qun’a’, Qay’ ‘ej yISra’el woDchu’.

versetul 60

SIloHDaq DabmeH Daq lon. Humanpu’ jojDaq jo’ley’Daj lanpu’; ghIq jo’ley’ lon.

versetul 61

DerlIq’a’Daj jonlu’ ‘e’ chaw’; ghol ghopDaq ngay’Daj jeghlu’ ‘e’ chaw’.

versetul 62

yanvaD ghotpu’Daj nob ‘ej quHDajDaq QeHDaj lIch.

versetul 63

loDpu’chaj Qup natlh qul; tlhogh bom luHutlh be’pu’chaj Qup.

versetul 64

yanmo’ pum maqleghpu’chaj. SaQlaHbe’ loDnal luweSbogh be’pu’’e’.

versetul 65

ghIq vem joH’a’; ‘Iw tlhutlhpu’bogh SuvwI’ jachwI’’e’ rur.

versetul 66

gholpu’Daj mup ‘ej Hochlogh chaH tuHmoH.

versetul 67

yoSev jo’ley’ lajQo’; ‘evra’yIm tuq wIvbe’.

versetul 68

‘ach yeHu’Da tuq wIv; tlhI’yon HuDvaD bangDaj Dam.

versetul 69

DaqDaj quv mutlh; chal’a’ rur. reH tera’ chenmoHpu’bogh rur.

versetul 70

DawID, toy’wI’Daj wIv ‘ej DI’raq pa’meyvo’ ghaH tlhap.

versetul 71

tagha’Ha’ SoS DI’raq Qorgh DawID; ghIq ya’qov ghotpu’Daj, yISra’el quHDaj QorghmeH DawID wIv joH’a’.

versetul 72

chaH QorghmeH tIgh QaQ pab ‘ej chaH DevmeH ghopDaj po’ lo’.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122