bommey

Capitole:

… 67 68 69 70 71 …   ⇤ ← 69 → ⇥

versetul 1

QoQpInvaD bomvam qon DawID; Su’Sanmey lulo’lu’taHvIS [bomlu’].
HItoDneS, ‘o Qun’a’! yInwIj lubuQ bIQmey.

versetul 2

DabqI’ jaQDaq jI’oq; pa’ leSmeH qam Daq tu’lu’be’; bIQ jaQ vIghoS ‘ej mubI’chu’ SoD.

versetul 3

jIDoy’ jIjachtaHmo’; QaD HughwIj. pujchoH mInDu’wIj, Qun’a’wI’ vIloStaHmo’.

versetul 4

mumuSmeH meq luHutlhbogh muSwI’pu’ law’ law’ jIbwIj law’ puS. HoSghaj muQaw’qangbogh ghotpu’; muHIvmeH nep. vInIHbe’pu’bogh Doch vInobHa’nIS?

versetul 5

‘o Qun’a’, QaghwIj DaSov; jIyemDI’, SoHvo’ So’be’ wanI’vam.

versetul 6

tuHbe’jaj loSwI’pu’lI’ jIHmo’, ‘o mangghom joH’a’, Qun’a’; quvHa’be’jaj nejwI’pu’lI’ jIHmo’, ‘o yISra’el Qun’a’.

versetul 7

SoHmo’ vIvaqlu’pu’ ‘ej jItuHpu’; qabwIj velpu’.

versetul 8

jIHvaD HujwI’ luDam loDnI’pu’wI’; jIHvaD nov luDam SoSwI’ puqloDpu’.

versetul 9

juH qachlIjmo’ jInong; munatlhpu’ wanI’vam. DaH muvaq vaqwI’pu’lI’.

versetul 10

jISaQDI’ ‘ej jISopQo’DI’ vIvaqchoHlu’.

versetul 11

weSjech ghegh vItuQmoHDI’, jIHvaD mu’qaD luDamchoH.

versetul 12

veng lojmItDaq murIch ba’wI’pu’ ‘ej mubopbogh bommey qon chechwI’pu’.

versetul 13

‘ach jIH’e’, ‘o joH’a’, qatlhob. qaSDI’ poH mIt, ‘o Qun’a’, pung’a’lIj law’mo’ HIjangneS, vIt toDlIjmo’.

versetul 14

DabqI’Daq jI’oqbe’meH HItoDneS; jaghpu’wI’vo’, bIQmey jaQvo’ je vIluplu’jaj.

versetul 15

mubI’chu’be’jaj SoD ‘ej mughupbe’jaj bIQ’a’ ‘ej nujDaj SoQmoHbe’jaj mungaSbogh QemjIq’a’.

versetul 16

HIjangneS, ‘o joH’a’, QaQmo’ pung’a’lIj; punglIj law’mo’ jIHDaq yItlhe’neS.

versetul 17

toy’wI’lI’vo’ qablIj yISo’neSQo', jISotmo’; tugh HIjangneS.

versetul 18

qa’wIjDaq yISumneS, HItoDneS; voHDajbo’wIj yIDIlneS jaghpu’wI’mo’!

versetul 19

vIqunlu’ ‘e’ DaSov; jItuH ‘ej jIquvHa’ ‘e’ DaSov; Hoch gholpu’wI’ DaSov.

versetul 20

vIqunlu’mo’ tIqwIj ghorlu’, vaj jIQIl. vupwI’ vInej ‘ach pagh tu’lu’. baw’moHwI’pu’ vInej ‘ach pagh vISam.

versetul 21

tar munob; Soj qa’. jI’ojDI’ HIq wIb munob.

versetul 22

jonmeH jan mojjaj raSchaj; vonmeH jan mojjaj chepDI’.

versetul 23

HurghchoHjaj mInDu’chaj, vaj leghlaHbe’ ‘ej jeltaHjaj qoDchaj.

versetul 24

chaHDaq belHa’ghachlIj yIlIchneS; chaH ‘uchjaj meQbogh QeHlIj.

versetul 25

chImchoHjaj raQchaj; jo’ley’meychaj Dabjaj pagh.

versetul 26

vay’ DamupDI’, vay’vetlh lutlha’. vay’ DarIQmoHDI’, vay’vetlh ‘oy’ lurIch.

versetul 27

HeSmeychaj tIvI’moHneS ‘ej ruvlIj lughoSbe’jaj.

versetul 28

yInwI’pu’ paqvo’ luteylu’jaj; quvwI’pu’ jojDaq qI’be’jaj.

versetul 29

‘ach vIQeHlu’ ‘ej jI’oy’; muSalmoH toDlIj, ‘o Qun’a’!

versetul 30

Qun’a’ pong vInaDmeH bom vIlo’; vIquvmoHmeH vItlho’.

versetul 31

joH’a’vaD ta’vam qaq law’ pu’Du’, lemDu’ je ghajbogh tangqa’ qaq puS.

versetul 32

ta’vam luleghDI’ nguqHa’wI’pu’, Quchqu’. Qun’a’ bonejchugh, tIqDu’raj lurIHqa’lu’jaj.

versetul 33

Do’Ha’wI’pu’ Qoy joH’a’ ‘ej qama’pu’Daj muSbe’.

versetul 34

lunaDjaj chal, puH, bIQ’a’, Hoch vIHwI’meyDaj je.

versetul 35

tlhI’yon toD Qun’a’ ‘ej yeHu’Da vengmey mutlh ‘ej pa’ luDab ghotpu’ ‘ej lu’at.

versetul 36

lu’at toy’wI’pu’Daj nortlhampu’ ‘ej luDab pongDaj muSHa’wI’pu’.

Capitole:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122