bommey

Capítulos:

… 67 68 69 70 71 …   ⇤ ← 69 → ⇥

verso 1

QoQpInvaD bomvam qon DawID; Su’Sanmey lulo’lu’taHvIS [bomlu’].
HItoDneS, ‘o Qun’a’! yInwIj lubuQ bIQmey.

verso 2

DabqI’ jaQDaq jI’oq; pa’ leSmeH qam Daq tu’lu’be’; bIQ jaQ vIghoS ‘ej mubI’chu’ SoD.

verso 3

jIDoy’ jIjachtaHmo’; QaD HughwIj. pujchoH mInDu’wIj, Qun’a’wI’ vIloStaHmo’.

verso 4

mumuSmeH meq luHutlhbogh muSwI’pu’ law’ law’ jIbwIj law’ puS. HoSghaj muQaw’qangbogh ghotpu’; muHIvmeH nep. vInIHbe’pu’bogh Doch vInobHa’nIS?

verso 5

‘o Qun’a’, QaghwIj DaSov; jIyemDI’, SoHvo’ So’be’ wanI’vam.

verso 6

tuHbe’jaj loSwI’pu’lI’ jIHmo’, ‘o mangghom joH’a’, Qun’a’; quvHa’be’jaj nejwI’pu’lI’ jIHmo’, ‘o yISra’el Qun’a’.

verso 7

SoHmo’ vIvaqlu’pu’ ‘ej jItuHpu’; qabwIj velpu’.

verso 8

jIHvaD HujwI’ luDam loDnI’pu’wI’; jIHvaD nov luDam SoSwI’ puqloDpu’.

verso 9

juH qachlIjmo’ jInong; munatlhpu’ wanI’vam. DaH muvaq vaqwI’pu’lI’.

verso 10

jISaQDI’ ‘ej jISopQo’DI’ vIvaqchoHlu’.

verso 11

weSjech ghegh vItuQmoHDI’, jIHvaD mu’qaD luDamchoH.

verso 12

veng lojmItDaq murIch ba’wI’pu’ ‘ej mubopbogh bommey qon chechwI’pu’.

verso 13

‘ach jIH’e’, ‘o joH’a’, qatlhob. qaSDI’ poH mIt, ‘o Qun’a’, pung’a’lIj law’mo’ HIjangneS, vIt toDlIjmo’.

verso 14

DabqI’Daq jI’oqbe’meH HItoDneS; jaghpu’wI’vo’, bIQmey jaQvo’ je vIluplu’jaj.

verso 15

mubI’chu’be’jaj SoD ‘ej mughupbe’jaj bIQ’a’ ‘ej nujDaj SoQmoHbe’jaj mungaSbogh QemjIq’a’.

verso 16

HIjangneS, ‘o joH’a’, QaQmo’ pung’a’lIj; punglIj law’mo’ jIHDaq yItlhe’neS.

verso 17

toy’wI’lI’vo’ qablIj yISo’neSQo', jISotmo’; tugh HIjangneS.

verso 18

qa’wIjDaq yISumneS, HItoDneS; voHDajbo’wIj yIDIlneS jaghpu’wI’mo’!

verso 19

vIqunlu’ ‘e’ DaSov; jItuH ‘ej jIquvHa’ ‘e’ DaSov; Hoch gholpu’wI’ DaSov.

verso 20

vIqunlu’mo’ tIqwIj ghorlu’, vaj jIQIl. vupwI’ vInej ‘ach pagh tu’lu’. baw’moHwI’pu’ vInej ‘ach pagh vISam.

verso 21

tar munob; Soj qa’. jI’ojDI’ HIq wIb munob.

verso 22

jonmeH jan mojjaj raSchaj; vonmeH jan mojjaj chepDI’.

verso 23

HurghchoHjaj mInDu’chaj, vaj leghlaHbe’ ‘ej jeltaHjaj qoDchaj.

verso 24

chaHDaq belHa’ghachlIj yIlIchneS; chaH ‘uchjaj meQbogh QeHlIj.

verso 25

chImchoHjaj raQchaj; jo’ley’meychaj Dabjaj pagh.

verso 26

vay’ DamupDI’, vay’vetlh lutlha’. vay’ DarIQmoHDI’, vay’vetlh ‘oy’ lurIch.

verso 27

HeSmeychaj tIvI’moHneS ‘ej ruvlIj lughoSbe’jaj.

verso 28

yInwI’pu’ paqvo’ luteylu’jaj; quvwI’pu’ jojDaq qI’be’jaj.

verso 29

‘ach vIQeHlu’ ‘ej jI’oy’; muSalmoH toDlIj, ‘o Qun’a’!

verso 30

Qun’a’ pong vInaDmeH bom vIlo’; vIquvmoHmeH vItlho’.

verso 31

joH’a’vaD ta’vam qaq law’ pu’Du’, lemDu’ je ghajbogh tangqa’ qaq puS.

verso 32

ta’vam luleghDI’ nguqHa’wI’pu’, Quchqu’. Qun’a’ bonejchugh, tIqDu’raj lurIHqa’lu’jaj.

verso 33

Do’Ha’wI’pu’ Qoy joH’a’ ‘ej qama’pu’Daj muSbe’.

verso 34

lunaDjaj chal, puH, bIQ’a’, Hoch vIHwI’meyDaj je.

verso 35

tlhI’yon toD Qun’a’ ‘ej yeHu’Da vengmey mutlh ‘ej pa’ luDab ghotpu’ ‘ej lu’at.

verso 36

lu’at toy’wI’pu’Daj nortlhampu’ ‘ej luDab pongDaj muSHa’wI’pu’.

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122