bommey

Capítulos:

… 78 79 80 81 82 …   ⇤ ← 80 → ⇥

verso 1

bomvam qon ‘aSav. Su’Sanmey lulo’lu’taHvIS bomlu’. nguHmeH vep ‘oH.
teSlIj yInobneS, ‘o yISra’el QorghwI’. yoSev DaDev; DI’raq ghom rur. qeruvpu’Daq bIba’; yIbochneS.

verso 2

HoSlIj yIrIHneS ‘ej ghotoDneS! wanI’vam lutu’jaj ‘evra’yIm, benyamIn, menaSSeH je!

verso 3

ghorIHqa’neS, ‘o Qun’a’; qablIj yIbochmoHneS, vaj wItoDlu’!

verso 4

‘o mangghom joH’a’, Qun’a’, qaStaHvIS poH ‘ar bIQeH nItlhobDI’ ghotpu’lI’?

verso 5

tIr ngoghchajvaD mIn ‘onroSmey DamojmoHta’; mIn ‘onroSmey DatlhutlhmoHchu’ta’.

verso 6

jIlpu’ma’ Seng jumojmoH; Hagh jaghpu’ma’.

verso 7

ghorIHqa’neS, ‘o mangghom Qun’a’; qablIj yIbochmoHneS, vaj wItoDlu’!

verso 8

mItlhra’yImvo’ ghIrep naH San’emDer Dalel. nughmey Davuj ‘ej ‘oH Dapoch.

verso 9

‘oHvaD puH DaHuvmoH. puH lubuy’moH ‘oQqarmeyDaj ‘e’ DaqaSmoH.

verso 10

HuDmey vel QIbDaj; qet’uy Sor’a’mey vel bartIqmeyDaj.

verso 11

bIQ’a’Daq bartIqmey ngeH; bIQtIqDaq bartIqHommey ngeH.

verso 12

qatlh reDmeyDaj Daghorchu’ta’? naHDaj nIH juSbogh Hoch.

verso 13

‘oH Qaw’ ngem targh; Sop yotlh Ha’DIbaH.

verso 14

yIcheghneS, ‘o mangghom Qun’a’! chal’a’vo’ yIbejneS ‘ej yIleghneS. ghIrep naH San’emDervam yIqelneS.

verso 15

ghIrep naH yotlh pochpu’ nIHlIj ghop. SoHvaD puqloD DaHoSmoHpu’; ghaH yIqelneS.

verso 16

‘oH meQmeH qul lulo’pu’. ‘oH lu’pe’chu’pu’. chaH qunDI’ qablIj, luQaw’lu’jaj!

verso 17

‘ach nIHlIj loDDaq ghoplIj yIlanneS! SoHvaD Human puqloDvam DaHoSmoHpu’.

verso 18

ghIq SoHvo’ matlhe’Qo’. maHvaD yIn Danobchugh, vaj ponglIj wIrIt!

verso 19

ghorIHqa’neS, ‘o mangghom joH’a’, Qun’a’! qablIj yIbochmoHneS, vaj wItoDlu’!

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122