bommey
Salmo 22
verso 1
QoQpInvaD bomvam qon DawID. jajlo' Sarghbe' tIgh pab 'oH.
Qun'a'wI' Qun'a'wI' qatlh cholonpu'?
qatlh chotoDmeH jIjachDI' bIHopqu'?
verso 2
'o Qun'a'wI', qaStaHvIS pem jISaQ 'ach bIjangbe'. qaStaHvIS ram jIleSlaHbe'.
verso 3
'ach bIquv. yISra'el naDmeyDaq Daba'.
verso 4
nIvoqpu' no'ma'. nIvoqpu' 'ej DatoDpu'.
verso 5
SoHvaD jachpu' 'ej lutoDlu'pu'. nIvoqpu' 'ej tuHpu'be'.
verso 6
'ach qagh jIH 'ej loD jIHbe'. muvaq loDpu' 'ej mumuSqu' ghotpu'.
verso 7
munuS Hoch muleghchugh. mon wuSDu'chaj 'ej ron nachDu'chaj.
verso 8
“joH'a' voq! ghaH toDjaj! ghaH narghmoHjaj, belDaj ghaHmo'!”
verso 9
'ach chI'IDvo' cholel. SoSwI' ngob'atDu'Daq chovoqmoH.
verso 10
jIboghDI' SoHvaD mujaDlu' 'ej SoSwI' chI'IDvo' Qun'a'wI' SoH.
verso 11
jIHvo' yIHopQo', Summo' Seng 'ej muQaHmeH pagh tu'lu'.
verso 12
muDech tangqa'mey law'; muSev baSan tangqa''a'mey.
verso 13
jIHDaq nujDu'chaj poSmoH; vIrghbogh 'ej jachbogh vIghro''a' lurur.
verso 14
jIghIt; bIQ vIrur. Hoch HomDu'wIj luchevlu'. req rur tIqwIj. qoDwIjDaq tetlu'.
verso 15
QaD HoSwIj; DabqI' 'un rur. ghapqa'Du'wIjDaq ngam jatwIj. Hegh Say'qISDaq choQotmoH.
verso 16
muDech targhmey; muSev mIghwI'pu' wey; ghopDu'wIj qamDu'wIj je ghIDpu'.
verso 17
Hoch HomDu'wIj vItoghlaH; mubej chaH 'ej mulegh.
verso 18
chaHvaD SutmeywIj wav; yIvbeHwIjvaD naghmey SuD.
verso 19
'ach SoH, 'o joH'a', yIHopQo'! choQaHmeH yImoD, wuywI'wI'.
verso 20
yanvo' qa'wIj yItoD; targh HoSvo' yInwIj yItoD!
verso 21
vIghro''a' nujvi' yItoD! tangqa'mey tlhay'Ha' pu'Du'vo' chojangpu'.
verso 22
loDnI'pu'wI'vaD ponglIj vIrIch; yej jojDaq qanaD.
verso 23
tlhIH, joH'a' vuvwI'pu', yInaD! Hoch ya'qov nortlhampu', ngay' yInob! Hoch yISra'el nortlhampu', yIHaj!
verso 24
vay' QIHlu'chugh vaj vay'vetlh muSbe' 'ej parbe', 'ej vay'vetlhvo' qabDaj So'be', 'ach ghaHvaD SaQDI' Qoy ghaH.
verso 25
SoHvo' yej'a'Daq 'oHtaH naDwIj'e'. SaHDI' vuvwI'pu'Daj 'IpmeywIj vIpab.
verso 26
Sop nguqHa’wI'pu' 'ej yon; joH'a' naD nejwI'pu'Daj! reH yInjaj tIqDu'raj!
verso 27
joH'a' luqaw qo' HeHmey 'ej ghaHDaq tlhe' 'ej SoH tlhopDaq tor Hoch nughmey tuqmey.
verso 28
joH'a'vaD 'oH wo''e' 'ej nughmey che'.
verso 29
Sop Hoch qo' chepwI'pu' 'ej naD; Say'qISDaq ghIrchugh vay', qa'Daj yIn polbe'chugh vay', vaj ghaH tlhopDaq tor vay'vetlh.
verso 30
lutoy' nortlhampu'; puq poH vebvaD joH'a' rIchlu';
verso 31
ghoS chaH 'ej wej boghbogh ghotpu' ja' 'ej chaHvaD ruvDaj lumaq. jatlh: ta'ta'.
Libros
