bommey
Salmo 31
verso 1
QoQpInvaD bomvam qon DawID.
SoHvaD, 'o joH'a', lulIgh vIDam. not jItuH 'e' DaqaSmoH. ruvlIjmo' HItoDneS.
verso 2
jIHDaq teSlIj yItlhe'moHneS; nom HItoD! jIHvaD nagh HoS yIDaneS; chotoDmeH Hub jem'IH yIDaneS.
verso 3
naghwIj jem'IHwIj je SoH; ponglIjmo' choche' 'ej choDev.
verso 4
muvonmeH SIr'o' So'lu'; 'oHvo' cholel. lulIghwIj SoH.
verso 5
ghoplIjDaq qa'wIj vIlan; chotoDpu', 'o joH'a', vIt Qun'a'.
verso 6
DavHam buSchugh vay', vaj vay'vetlh vImuS; ach joH'a' vIvoq.
verso 7
pung'a'lIjmo' jIlop 'ej jIQuch. QIHwIj Dalegh; Sot qa'wIj 'e' DaSov.
verso 8
jagh ghopvaD chonobbe'; puH beQDaq qamDu'wIj Dalanpu'.
verso 9
jIHvaD tlhoqtlhal yIturneS, 'o joH'a', jISotmo'; jImoghmo' ragh mInwIj; ragh qa'wIj porghwIj je.
verso 10
jI'IQmo' yInwIj natlhlu'; jIjachmo' DISmeywIj lunatlhlu'. jIyemmo' luj HoSwIj 'ej ragh HomDu'wIj.
verso 11
Hoch gholpu'wI'mo' vIvaqlu' 'ej jIlpu'wI'vaD vIvaqqu'lu' 'ej muSovbogh Hoch vIlImmoH 'ej tawDaq jIHvo' Haw' muleghbogh Hoch.
verso 12
vIlIjlu'pu'; Heghpu'bogh vay' vIrur. 'un ghorlu'pu'bogh vIrur.
verso 13
tlhup ghotpu' law' 'e' vIQoy: Hoch Daqvo' ghIjlu'. muqaDmeH QuS chaH; yInwIj lutlhapmeH nap.
verso 14
'ach qavoq, 'o joH'a'; vIjatlh: “Qun'a'wI' SoH.”
verso 15
ghoplIjDaq bIH poHmeywIj'e'; jaghpu'wI' ghopvo' wamwI'pu'wI'vo' je HItoD!
verso 16
toy'wI'lI'vaD qablIj yIbochmoHneS; pung'a'lIjmo' HItoD!
verso 17
'o joH'a', jItuHbe' 'e' yIqaSmoHneS, qarItmo'; tuH jIvvo'pu' 'e' yIqaSmoHneS; tamtaHvIS Se'ol lujaHjaj.
verso 18
jatlhlaHbe'jaj wuSDu' nepwI'; quvwI'pu' lurIchtaHvIS nguq 'ej vuvHa'.
verso 19
toH! vuvwI'pu'lI' DaQorghqu'. voqwI'pu'lI' DaQorgh 'ej ghu'vam lutu' Hoch 'aDam puqloDpu'! 20 loDpu' nabmeyvo' lulIghlIj peghDaq chaH DaSo'; SoltaHvIS jatDu', jo'ley'lIjDaq chaH DaQan.
verso 21
joH'a' quvmoHlu'jaj; veng SotDaq jIHtaHvIS jIHvaD pung'a'Daj Dun 'angpu'.
verso 22
jIghumtaHvIS vIjatlh: “mInDu'lIjvo' vIpe'chu'lu'.” 'ach pung vItlhobDI', choQaHmeH jIjachDI', ghoghwIj DaQoy.
verso 23
joH'a' yImuSHa', 'o Hoch quvwI'pu'Daj! matlhwI'pu' choq joH'a' 'ach nguqwI'pu' bIjqu'.
verso 24
yIHoS 'ej Subjaj tIqDu'raj, 'o joH'a' luloSbogh Hoch!
Libros
