bommey
Salmo 83
verso 1
bomvam qon ‘aSav.
‘o Qun’a’, yItamtaHneSQo’; yIghanHa’neSQo’ ‘ej yIvIHHa’neSQo’, ‘o Qun’a’!
verso 2
yIqelneS: ghughugh jaghlI’; nachchaj peppu’ nImuSbogh ghotpu’.
verso 3
ghotpu’lI’ qaDmeH nab ‘ong lu’ogh; bangwI’pu’lI’ luqaDmeH QuS.
verso 4
lujatlh: “Ha’, Sep wISangjaj; not yISra’el pong qawqa’lu’jaj!”
verso 5
nItebHa’ QuS chaH; nIqaDmeH mab luchenmoH.
verso 6
‘eDom jo’ley’mey, yISma’elnganpu’, mo’av, HaghrI’nganpu’,
verso 7
gheval, ‘amon, ‘ama’leq, velIStIynganpu’, tlhor Sungpu’ je;
verso 8
chaH muv ‘aSur je; lot puqpu’ DeS HoS chaH.
verso 9
tIjeyneS; mIDyanDaq ta’meylIj rurjaj. qISon bIQtIqDaq SISra’, yavIn je DajeyDI’, wanI’vam rurjaj.
verso 10
‘enDorDaq ghotpu’vam luQaw’lu’; puHvaD qeQ lumoj.
verso 11
chuQunchajvaD ‘orev, Se’ev je tIrurmoHneS; Hoch che’wI’pu’chaj SebaH, tlhalmunna’ je tIrurmoHneS.
verso 12
lujatlh ghotpu’vam: “maHvaD Qun’a’ yotlhmey DItlhapjaj.”
verso 13
‘o Qun’a’wI’, chaHvaD Say’qIS rutlh yIrurmoHneS; chaHvaD SuSDaq yub yIrurmoHneS.
verso 14
ngem natlhbogh qul rurjaj; HuDmey meQbogh qul rurjaj.
verso 15
vaj chaH tlha’meH jevbogh muDlIj yIlo’neS; chaH ghIjqu’meH vungbogh muDlIj yIlo’neS.
verso 16
qabchaj buy’moHjaj quvHa’ghach; vaj ponglIj lunej, ‘o joH’a’.
verso 17
reH tuHjaj ‘ej Sotjaj; webmo’ luQaw’lu’jaj.
verso 18
vaj joH’a’ ‘oH ponglIj’e’ ‘e’ luSov ‘ej tera’ Hoch che’bogh jenwI’a’’e’ SoH ‘e’ luSov.
Libros
