bommey

Capítulos:

… 84 85 86 87 88 …   ⇤ ← 86 → ⇥

verso 1

bomvam qon DawID, Qun’a’ tlhobDI’.
teSlIj yItlhe’moHneS, ‘o joH’a’, ‘ej HIjangneS, jImIpHa’mo’ ‘ej jIDo’Ha’mo’.

verso 2

yInwIj yIchoqneS, jIquvmo’; toy’wI’lI’ yItoDneS, Duvoqmo’. Qun’a’wI’ SoH.

verso 3

jIHvaD tlhoqtlhal yIturneS, ‘o joH’a’. qaStaHvIS jaj Hoch, SoHvaD jIjach.

verso 4

toy’wI’lI’ qa’ yIQuchmoHneS. SoHvaD, ‘o joH’a’, qa’wIj vIpep.

verso 5

bIQaQ, ‘o joH’a’, ‘ej bIDIvHa’moH. DurItchugh vay’, vaj vay’vetlhvaD pung’a’ law’ Datur.

verso 6

HIQoyneS, ‘o joH’a’, qatlhobDI’. tlhoqtlhal vItlhobDI’ HI’IjneS.

verso 7

qaSDI’ SengwIj jaj, qarIt, chojangmo’.

verso 8

Qunpu’ jojDaq Durur pagh. ta’meylIj rurbogh ta’mey tu’lu’be’.

verso 9

ghoS Hoch nughmey DachenmoHpu’bogh; SoHvaD tor, ‘o joH’a’, ‘ej ponglIj luquvmoH.

verso 10

bIDun ‘ej ta’mey Dun Data’. Qun’a’ SoH ‘ej latlh pagh tu’lu’.

verso 11

tIghlIj HIghojmoHneS, ‘o joH’a’, vaj vItlIj vIpab. tIqwIj yIwatlhmoHneS, vaj ponglIj vIvuv.

verso 12

qatlho’meH, ‘o joH’a’, Qun’a’wI’, tIqwIj Hoch vIlo’. Hochlogh ponglIj vIquvmoH.

verso 13

jIHvaD Dun pung’a’lIj; Se’ol jaQvo’ qa’wIj Daluppu’.

verso 14

‘o Qun’a’, muqaDmeH Hu’pu’ loDpu’ nguq. muHoHrup loDpu’ ral ghom ‘ej nIqelQo’.

verso 15

‘ach pung, tlhoqtlhal turbogh Qun’a’’e’ SoH, ‘o joH’a’. QIt bIQeHchoH ‘ej pung’a’, vIt vey’ je Daghaj.

verso 16

HItlhe’neS ‘ej jIHvaD tlhoqtlhal yIturneS; toy’wI’lI’ yIHoSmoHneS; Dutoy’bogh be’ puqloD yItoDneS.

verso 17

jIHvaD maQ QaQ yIta’neS. vaj wanI’vam lulegh mumuSbogh ghotpu’ ‘ej tuHchoH, choQaHpu’mo’, ‘o joH’a’, ‘ej chobaw’moHpu’mo’.

Capítulos:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122