bommey
Salmo 18
verso 1
QoQpInvaD bomvam qon DawID, joH'a' toy'wI'. Hoch jaghpu'Daj ghopvo', Sa'ul ghopvo' je toDDI' joH'a', joH'a'vaD bomvam mu'mey jatlh. jatlh: qamuSHa', 'o joH'a', HoSwIj.
verso 2
naghwIj jem'IHwIj je toDwI'wI' je ghaH joH'a''e'; Qun'a'wI', naghwIj, lulIghwIj, yoDwIj, toDwIj gheb, chalqach'a'wIj.
verso 3
joH'a' vIrIt. ghaH naDlu' 'e' qotlh 'ej jaghpu'wI'vo' vItoDlu'.
verso 4
muDech Hegh tlheghmey; mulImmoH lo'laHbe'ghach bIQtIqmey;
verso 5
muDech Se'ol tlheghmey; muqaD Hegh ngelwI'mey.
verso 6
jISotDI' joH'a' vIrIt; muboQmeH Qun'a'wI'vaD jIjach. chIrghDajvo' ghoghwIj Qoy, 'ej teSDu'DajDaq ghoS beywIj.
verso 7
'ej jel yav 'ej Qom, 'ej wal HuDmey qappammey 'ej jel, QeHmo' ghaH.
verso 8
tlhonDu'Dajvo' Sal tlhIch; 'ej nujDajvo' Sopchu' qul; ghaHvo' meQ ghav naghmey.
verso 9
chal SIHmoH 'ej ghIr; qamDu'Daj bIngDaq 'oH QIb'a''e'.
verso 10
che'rub lIgh 'ej puv; SuS telDu' DungDaq chung.
verso 11
ghaH So'meH QIb lan; Dechbogh jo'ley' bIH bIQmey Hurgh'e' 'engmey jeD'e' je.
verso 12
bochtaHghajDajvo' 'engmeyDaj tol chuch 'aplommey, qul naghmey je.
verso 13
chalDaq tuD joH'a', 'ej ghoghDaj nob jenwI'’a’; lutlhej chuch 'aplommey, qul naghmey je.
verso 14
'ej naQjejHommey ngeH 'ej ghomHa'; 'ej pe'bIl rawmoH 'ej chaH lImmoH.
verso 15
'ej bIQtIqmey leghlu', 'ej qo' qappammey So'Ha'lu' bIqunDI', 'o joH'a', tlhuHDI' tlhonDu'lIj.
verso 16
Daq jenvo' ngeH 'ej mutlhap; bIQmey law'vo' muQIq.
verso 17
jaghwI' HoSvo', muSwI'pu'wI'vo' je mutoD, tlhoy HoSmo' chaH.
verso 18
qaStaHvIS QIHwIj jaj muqaD, 'ach ngaqwIJ ghaH joH'a''e'.
verso 19
Daq vaSDaq muqem 'ej mutoD, belDaj jIHmo'.
verso 20
ruvwIjmo' muQIHHa' joH'a'; ghopDu'wIj Say'mo' jIHvaD nobHa';
verso 21
joH'a' tIghmey vIpabpu'mo', 'ej jIvvo' vIDameH Qun'a'wI'vo' jItlheDpu'be'.
verso 22
jIH tlhopDaq bIH Hoch yojmeyDaj'e', 'ej jIHvo' chutmeyDaj vIwoDpu'be'.
verso 23
ghaH tlhopDaq jIpup, 'ej jImIghmeH jIbot'egh.
verso 24
vaj ruvwIjmo' nobHa' joH'a', ghopDu'wIj Say' leghmo'.
verso 25
matlhwI'vaD bImatlh; pupwI'vaD bIpup.
verso 26
nItwI'vaD bInIt, 'ej ghob QaQ pabQo'wI'vaD bI'uplaw'.
verso 27
chuD nguqHa' DatoD, 'ach mInDu' nguq Da'eSmoH.
verso 28
SechwIj DawovmoH SoH'e', joH'a' Qun'a'wI'; QIbwIjDaq tamghay Daqem.
verso 29
SoHmo' jIqettaHvIS QaS vIjuSlaH, 'ej Qun'a'wI'mo' reD DungDaq jISup.
verso 30
pup Qun'a'vam He; joH'a' mu' toblu'; ghaHvaD lulIgh luDambogh Hoch yoD ghaH.
verso 31
Qun ghaHbe'chugh joH'a''e', Qun ghaH 'Iv'e'? nagh ghaHbe'chugh Qun'a'ma', nagh ghaH 'Iv'e'?
verso 32
muHoSmoH Qun'a' 'ej HewIj pupmoH.
verso 33
ngem Sargh qamDu' rur qamDu'wIj 'e' qaSmoH, 'ej DaqmeywIj jenDaq mulan.
verso 34
ghobmeH ghopDu'wIj ghojmoH; jey' Sorpuq nuH 'ob luSIHmoHlaH DeSDu'wIj.
verso 35
toDlIj yoD munobpu' 'ej mutaHmoH nIHlIj ghop 'ej muDunmoH nguqHa'ghachlIj.
verso 36
qamDu'wIjvaD taw DavaSmoH, vaj tangbe' qamDu'wIj.
verso 37
jaghpu'wI' vItlha' 'ej vIjuS 'ej luQaw'lu'pa' jIcheghbe'.
verso 38
chaH vIghID vaj Hu'laHbe'; qamDu'wIj bIngDaq pum.
verso 39
ghobmeH HoS mupeS; jIH bIngDaq muqaDbogh Hoch Da'oqmoH.
verso 40
jIHvaD jaghpu'wI' mongDu' Danob 'ej muSwI'pu'wI' vIQaw'.
verso 41
luboQlu'meH jach chaH, 'ach chaH toDbogh vay' tu'lu'be'. joH'a'vaD jach chaH, 'ach chaH jangbe'.
verso 42
chaH vItap; SuSDaq Say'qIS lurur. chaH vIwoD; tawDaq DabqI' lurur.
verso 43
SolDI' ghotpu', chaHvo' chotoD; nughmey nach vImojmeH choSugh. mutoy' ghotpu' vISovpu'be'bogh.
verso 44
muQoyDI' mulob; jIH bIngDaq mulan'eghmoH novpu'.
verso 45
toDujchaj luweS novpu' 'ej jeltaHvIS jem'IHmeychajvo' ghoS.
verso 46
yIn joH'a' 'ej chepjaj naghwIj 'ej toDwIj Qun'a' peplu'jaj.
verso 47
bortaS munob Qun'a' 'ej jIH bIngDaq ghotpu' lan,
verso 48
jaghpu'wI'vo' mutoD; HISlaH, chopep vaj jIH jen law' qaDwI'pu'wI' jen puS; loD ralvo' chotoD.
verso 49
meqvammo' nughmeyDaq qatlho', 'o joH'a', 'ej ponglIjvaD jIbom.
verso 50
ta'DajvaD toD Dun nob 'ej 'atwI'DajvaD pung'a' 'ang, reH DawIDvaD nortlhampu'DajvaD je.
Libros
