bommey
Salmo 40
verso 1
QoQpInvaD bomvam qon DawID.
joH'a' vIloStaHvIS jItuv; jIHvaD tlhe' ghaH 'ej beywIj Qoy.
verso 2
QIH QemjIqvo' muwoH; DabqI' puHvo' nagh'a'Daq qamDu'wIj lan; jIyItDI' mungaDmoH.
verso 3
nujwIjDaq bom chu' lan; Qun'a'maj naDmeH bomvam vIbom. lulegh ghotpu' law' 'ej vuvqu' 'ej joH'a' luvoqchoH.
verso 4
Quchqu' joH'a' voqbogh loD'e'. nguqwI'pu'Daq nepwI'pu'Daq je tlhe'be'.
verso 5
maHvaD law' ta'meylIj Dun, buSHachmeylIj je, 'o joH'a' Qun'a'wI'; DururlaH pagh! bIH vImaq 'ej vIrIch, 'ach law'qu' bIH; lutoghlaHlu'be'.
verso 6
'angmoHghach, nobmey SeQ je DatIvbe'pu', 'ach teS poS chonobpu'. nobmey meQlu'bogh, yemwI' nobmey je DapoQbe'pu'.
verso 7
ghIq vIjatlh: yIqelneS, jIghoSpu'; mubopbogh paq Qumran ghItlhlu':
verso 8
chaballIj vItur 'e' vItIv, 'o Qun'a'wI'; qoDwIjDaq 'oH chut'a'lIj'e'.
verso 9
yej'a'Daq ruv bopbogh De' vImaqpu'; yIqelneS, wuSDu'wIj vIngaQbe'pu' 'e' DaSov, 'o joH'a'.
verso 10
tIqwIj qoDDaq toDlIj vISo'be'pu'; vItlIj, toDlIj je vIrIchpu'; yej'a'vo' pung'a'lIj, vItlIj je vISo'be'pu'.
verso 11
SoH'e', 'o joH'a', jIHvo' punglIj Da'otbe'. reH muchoq pung'a'lIj, vItlIj je!
verso 12
muDechpu' ta'mey mIgh; lutoghlaHlu'be'. mujuSpu' yemmeH ta'meywIj 'ej jIleghlaHbe'. ta'meyvam law' nachwIj jIbDu' puS; muluj tIqwIj.
verso 13
'o joH'a', HItoDqangneS! 'o joH'a, choQaHmeH yImoDneS!
verso 14
yInwIj bI'chu'meH tejchugh vay', vaj tuHjaj 'ej mISjaj; QIHwIj tIvchugh vay', vaj HeDmoHlu'jaj 'ej quvHa'jaj.
verso 15
Duqjaj tuHmo' chaH. mujatlh: “toH! toH!”
verso 16
'ach lopjaj nItejbogh Hoch 'ej SoHmo' Quchjaj; toDlIj muSHa'chugh vay', vaj reH jatlhjaj: “Dun joH'a'!”
verso 17
jImIpHa' 'ej jIDo’Ha’, 'ach muqel joH'a'wI'. QaHwI'wI', toDwI'wI' je SoH; yImImneSQo', 'o Qun'a'wI'!
Libros
