bommey
Salmo 88
verso 1
QoQpInvaD bomvam luqon qo’raH puqloDpu’. maHa’lat le’annot lo’lu’taHvIS bomlu’. Heyman, ‘eSraH tuq, maSqIl ‘oH.
‘o joH’a’, toDwIj Qun’a’, qaStaHvIS pem, ram je SoHvaD jIjach.
verso 2
DughoSjaj tlhobmeH QInwIj; jIjachDI’ teSlIj yItlhe’moHneS!
verso 3
Sengmeymo’ buy’ qa’wIj ‘ej Se’ol chol yInwIj.
verso 4
QemjIq’a’ lughIrbogh ghotpu’’e’ vItlhej net qel. HoS Hutlhbogh loD’e’ jIH.
verso 5
HeghwI’pu’Daq vIlonlu’; molDaq Qotbogh lommey vIrur. not nuvpu’vam Daqawqa’. ghoplIjvo’ lupe’lu’chu’.
verso 6
QemjIq ‘eSqu’Daq cholanpu’. Hurgh Daqvam ‘ej jaQ.
verso 7
QeHlIj ‘ugh vISIQ. muQIH Hoch yu’eghmeylIj. SelaH
verso 8
chuDpu’wI’ DaHopmoHta’. jI’upchu’ ‘e’ luDam. jISoQ ‘ej jIghoSlaHbe’.
verso 9
pujchoH mInwIj jI’IQmo’. qaSDI’ Hoch jaj, qarIt, ‘o joH’a’; SoHvaD ghopwIj tIpep.
verso 10
HeghwI’pu’vaD boqHarmey Data’’a’? nInaDmeH Hu’’a’ HeghwI’pu’? SelaH
verso 11
molDaq pung’a’lIj maqlu’’a’? QIH wo’Daq vItlIj maqlu’’a’?
verso 12
QIbDaq boqHarmeylIj luSovlu’’a’? lIjmeH puHDaq ruvlIj Sovlu’’a’?
verso 13
‘ach SoHvaD, ‘o joH’a’, jIjach. qaSDI’ po DughoS tlhobmeH QInwIj.
verso 14
‘o joH’a’, qatlh qa’wIj DawoD? qatlh jIHvo’ qablIj DaSo’?
verso 15
jIQupDI’ vIQIHlu’ ‘ej tlhoS jIHegh; DaH raptaH ghu’. HajmoHbogh ta’meylIj vISIQ ‘ej jISot.
verso 16
mujuS QeH’a’lIj. muQaw’ ghummeylIj.
verso 17
qaStaHvIS jaj Hoch muDech; bIQ rur. nItebHa’ mubav.
verso 18
bangwI’, jIlwI’ je DaHopmoHpu’. DaH wa’ jup vIghaj: QIb‘a’ ‘oH.
Libros
