bommey

Fejezetek:

… 29 30 31 32 33 …   ⇤ ← 31 → ⇥

1. vers

QoQpInvaD bomvam qon DawID.
SoHvaD, 'o joH'a', lulIgh vIDam. not jItuH 'e' DaqaSmoH. ruvlIjmo' HItoDneS.

2. vers

jIHDaq teSlIj yItlhe'moHneS; nom HItoD! jIHvaD nagh HoS yIDaneS; chotoDmeH Hub jem'IH yIDaneS.

3. vers

naghwIj jem'IHwIj je SoH; ponglIjmo' choche' 'ej choDev.

4. vers

muvonmeH SIr'o' So'lu'; 'oHvo' cholel. lulIghwIj SoH.

5. vers

ghoplIjDaq qa'wIj vIlan; chotoDpu', 'o joH'a', vIt Qun'a'.

6. vers

DavHam buSchugh vay', vaj vay'vetlh vImuS; ach joH'a' vIvoq.

7. vers

pung'a'lIjmo' jIlop 'ej jIQuch. QIHwIj Dalegh; Sot qa'wIj 'e' DaSov.

8. vers

jagh ghopvaD chonobbe'; puH beQDaq qamDu'wIj Dalanpu'.

9. vers

jIHvaD tlhoqtlhal yIturneS, 'o joH'a', jISotmo'; jImoghmo' ragh mInwIj; ragh qa'wIj porghwIj je.

10. vers

jI'IQmo' yInwIj natlhlu'; jIjachmo' DISmeywIj lunatlhlu'. jIyemmo' luj HoSwIj 'ej ragh HomDu'wIj.

11. vers

Hoch gholpu'wI'mo' vIvaqlu' 'ej jIlpu'wI'vaD vIvaqqu'lu' 'ej muSovbogh Hoch vIlImmoH 'ej tawDaq jIHvo' Haw' muleghbogh Hoch.

12. vers

vIlIjlu'pu'; Heghpu'bogh vay' vIrur. 'un ghorlu'pu'bogh vIrur.

13. vers

tlhup ghotpu' law' 'e' vIQoy: Hoch Daqvo' ghIjlu'. muqaDmeH QuS chaH; yInwIj lutlhapmeH nap.

14. vers

'ach qavoq, 'o joH'a'; vIjatlh: “Qun'a'wI' SoH.”

15. vers

ghoplIjDaq bIH poHmeywIj'e'; jaghpu'wI' ghopvo' wamwI'pu'wI'vo' je HItoD!

16. vers

toy'wI'lI'vaD qablIj yIbochmoHneS; pung'a'lIjmo' HItoD!

17. vers

'o joH'a', jItuHbe' 'e' yIqaSmoHneS, qarItmo'; tuH jIvvo'pu' 'e' yIqaSmoHneS; tamtaHvIS Se'ol lujaHjaj.

18. vers

jatlhlaHbe'jaj wuSDu' nepwI'; quvwI'pu' lurIchtaHvIS nguq 'ej vuvHa'.

19. vers

toH! vuvwI'pu'lI' DaQorghqu'. voqwI'pu'lI' DaQorgh 'ej ghu'vam lutu' Hoch 'aDam puqloDpu'! 20 loDpu' nabmeyvo' lulIghlIj peghDaq chaH DaSo'; SoltaHvIS jatDu', jo'ley'lIjDaq chaH DaQan.

21. vers

joH'a' quvmoHlu'jaj; veng SotDaq jIHtaHvIS jIHvaD pung'a'Daj Dun 'angpu'.

22. vers

jIghumtaHvIS vIjatlh: “mInDu'lIjvo' vIpe'chu'lu'.” 'ach pung vItlhobDI', choQaHmeH jIjachDI', ghoghwIj DaQoy.

23. vers

joH'a' yImuSHa', 'o Hoch quvwI'pu'Daj! matlhwI'pu' choq joH'a' 'ach nguqwI'pu' bIjqu'.

24. vers

yIHoS 'ej Subjaj tIqDu'raj, 'o joH'a' luloSbogh Hoch!

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 110 117 122